Үөһээ Бүлүүгэ эр киһи билэр киһитин кытта этиһэн баран өлөрбүт

Үөһээ Бүлүүгэ 45 саастаах киһини өлөрүүгэ уорбалаан туттулар, онон холуобунай дьыала тэрилиннэ диэн СӨ Силиэстийэлиир кэмититэтин пресс-сулууспата иһитиннэрбитэ.

Силиэстийэ дааннайынан, бу сыл олунньу 14 күнүгэр эр дьон дьиэҕэ арыгы иһэ олорон этиспиттэр. Ол түмүгэр 45 саастаах киһи билэр киһитин түөскэ уонна сарыҥҥа быһаҕынан аспыт.

Ол киһи ылбыт эчэйиилэриттэн тута тыына быстыбыт. Быһылаан тула бэрэбиэркэ ыытыллар.