Үөһээ Бүлүүгэ эр киһи сүттэ

Үөһээ Бүлүү оройуонугар быыһааччылар 68 саастаах булчуту көрдүүллэр. Бу туһунан СӨ Быыһыыр сулууспата иһитиннэрэр.

Ыам ыйын 7 күнүгэр үс эр киһи бултуу барбыт. Ол киэһэ биирдэстэрэ дьиэтигэр төттөрү төннөргө санаммыт уонна барбыт. Хаалбыт булчуттар дьиэлэригэр ыам ыйын 19 күнүгэр кэлбиттэр. Онно биирдэ бастаан төннүбүт булчут дьиэтигэр кэлбэтэҕэ биллибит.

Ол күн олохтоохтор көрдөөн саҕалабыттар. Ыам ыйын 28 күнүгэр Быыһыыр сулууспа үлэһиттэрэ туруммуттар. Ойуурга 40 км сири көрбүттэр.

Билигин Түүкээн үрэххэ үс мотуордаах оҥочонон көрдүү сылдьаллар.