Хаартыска: sakha.gov.ru
Ил Дархан Айсен Николаев Үөһээ Бүлүү улууһугар дьыалабыай сырыытын чэрчитинэн култуура уонна ускуустуба дыбарыаһын эбийиэгин тутуу миэстэтин көрдө.
Эбийиэк Үөһээ Бүлүү бөһүөлэгэрэ 50 лет ЯАССР уулуссаҕа 10 тыһ. тахса кв.м. иэннээх сиргэ тутуллара былааннанар. Ил Дархан Айсен Николаев Саха сирин Култуураҕа уонна духуобунай сайдыыга министиэристибэтигэр уонна муниципальнай тэриллии дьаһалтатыгар эбийиэк тэхиниичэскэй сорудаҕы уонна бырайыактыыр-сметнэй докумуону оҥоророго сорудахтаата.
Айсен Николаев саҥа эбийиэк элбэх өҥө оҥорор хайысхалаах буолуохтааҕын бэлиэтээтэ. Манна хас да тэрилтэ баар буолуоҕа. Саҥа дьиэҕэ олохтоох ЗАГС уонна Норуот айымньытын киинин көһөрөр былааннаахтар. Билигин кинилэр бары былырыын тутуллубут Олоҥхо дьиэтигэр олороллор.
Дыбарыас иһинэн Үөһээ Бүлүү устуоруйатын уонна этнографиятын түмэлэ көһөрүллүөҕэ — улуус устуоруйатын арыйар 12 тыһыынчаттан тахса эспэнээт харалла сытар ураты тэрилтэтэ. Билигин түмэл саахалланар туруктаах эргэ мас дьиэҕэ үлэлиир.
Эмиэ саҥа эбийиэк иһинэн үөрүүлээх тэрээһиннэри ыытарга 200 миэстэлээх сааланы арыйарга былааннанар — бүгүн оройуон киинигэр маннык эбийиэктэр суохтар. Ону таһынан, былаан быһыытынан, бөһүөлэк дьаһалтатын дьиэтигэр сылы быһа аһыллан үлэлээбит «Киновер» киинэ тыйаатыра саҥа эбийиэк иһинэн аһыллыаҕа.
Санатан эттэххэ, култуура эбийиэктэрин үгүс эрэгийиэннэригэр Бэрэсидьиэн көҕүлээбит «Культура» национальнай бырайыагын чэрчитинэн тутуллаллар, манна дойду үрдүнэн култуурунай сыаннастары үөскэтиигэ уонна үрдэтиигэ сүрүн сорук турар.
Кэнники биэс сылга Саха сиригэр култуура 45 эбийиэгэ үлэҕэ киирдэ, 139 кулууп матырыйаалынай- тэхиниичэскэй баазата тупсарылынна, 19 култуура тэрилтэтигэр хапытаалынай өрөмүөнэ ыытылынна, 14 модельнай бибилэтиэкэлэр тэрилиннилэр, инструменнарынан 18 оҕо ускуустуба оскуолата хааччылынна.
Өрөбүл күн сарсыарда эрдэттэн чэпчэки атлетикаҕа күрэхтэһии саҕаланна. Эбиэт иннинэ Саха сирин чэпчэки атлетикаҕа сүүмэрдэммит…
Мэҥэ Хаҥалас Майатыттан "Саха сайдам ыала" , "Тыа ыала" күрэхтэр кыттыылаахтара элбэх оҕолоох Елизавета уонна Герман…
Туймаада ыһыаҕа сыл аайы суруналыыстары кытта бэрт үгүс кэрэхсэбиллээх айар куттаах дьону көрүһүннэрэр. Мэҥэ Хаҥалас…
Туймаада ыһыаҕын кэмигэр куорат мээрэ суруналыыстары кытта көрсөр үгэһинэн быйыл эмиэ бэйэтэ болдьообут чааһыгар кэлэн…
Ыччат күнүгэр, бэс ыйын 29 күнүгэр, Туймаада ыһыаҕын кэмигэр «Ыччат ситимэ - 2024» ыччат бэстибээлэ…
Куорат спортивнай оскуолатын иитиллээччитэ, тохсус кылаас үөрэнээччитэ Альберт Винокуров «Азия оҕолоро» оонньууга үс төгүл үс…