Үөһээ Бүлүүгэ кыбартыыраттан тэлэбиисэри уоруу арыллыбыт

ИДьМ улууспатын Үөһээ Бүлүү оройуонун отделын дьуһуурунай чааһыгар кыбартыыраттан тэлэбиисэрин уорбуттарын туһунан олохтоох киһиттэн үҥсүү киирбит.

Суһал-көрдүүр тэрээһиннэр түмүгэр полицейскайдар кинилэрдиин биир дьиэҕэ ийэтин кытта олорор 48 саастаах эр киһи  (сожитель) буоларын быһаарбыттар. Буруйу оҥорооччу дьиэлэригэр дьоно суоҕунан туһанан, бииргэ олорор дьахтарын уолун тэлэбиисэрин кыбартыыраттан уорбут. Уорбут малын 2000 солкуобайга атыылаабыт, оттон ол харчытынан арыгы атыыласпыт. Арассыыйа Федерациятын Холуобунай кодексатын 158 ыст. 2 ч. “Уоруу” холуобунай дьыала көбүтүлүннэ. Уоруйах биэс сылга көҥүлэ быһыллыан сөп, диэн ИДьМ  пресс-сулууспата иһитиннэрэр.