Хаартыска: Валерий Николаев телеграм-ханаалыттан.
Бу күннэргэ В.А. Вонгродскай аатынан мэдиссиинэ кэллиэһин дириэктэрэ Дмитрий Алексеев Үөһээ Бүлүү улууһун дьаһалтатын кытта улууска медицинскэй үлэһиттэр тиийбэттэринэн сибээстээн, Дьокуускайдааҕы медкэллиэс салаатын арыйар туһунан кэпсэттилэр.
“Дмитрий Афанасьевич быйыл Үөһээ Бүлүүгэ иккис төгүлүн кэллэ. Бу сырыыга үөрэх кыһаларын, медицинскэй кылаастары, киин балыыһаны көрдө, үлэлэрин билистэ. Эһиилги 2025-2026 үөрэх сылыгар Дьокуускайдааҕы медицинскэй кэллиэс салаатын Үөһээ Бүлүүгэ арыйарга сөбүлэстибит. Орто анал үөрэх кыһатын салаата икки хайысханан: “фельдшерскэй” уонна “сестринскэй” үөрэхтэринэн үлэлиирэ былааннанар. Үөһээ Бүлүүтээҕи медкэллиэс салаатыгар барыллаан 50 үөрэх миэстэтэ (34 — бүддьүөт, 16 төлөбүрдээх) аһылларын былааннаатыбыт. Үөрэх кыһатын салаата арыллыытыгар бэлэмнэнии үлэтин саҕалаатыбыт. Улуус өттүттэн ирдэнэр өйөбүлү, материальнай-тиэхиньиичэскэй базаны оҥорууга үбүлээһини толору хааччыйарга бэлэммит, онно эбии Үөһээ Бүлүүтээҕи киин балыыһа бэйэтин өттүттэн эбии көмө буоларын сүрүн быраас Сардаана Павлова биллэрдэ. Дьокуускайдааҕы медкэллиэс салаата Үөһээ Бүлүүгэ арыллыыта билигин баар кыһалҕабытын — тыа сиригэр биэлсэр эмчит тиийбэт боппуруоһун быһаарыа диэн эрэлбит улахан” – диэн улуус баһылыга Валерий Николаев бэйэтин телеграм-ханаалыгар суруйда.
Ааспыт нэдиэлэҕэ Үөһээ Бүлүү улууһугар өрөспүүбүлүкэтээҕи Уйулҕаһыттар кииннэрин филиала аһылларын туһунан сырдаппыппыт. Аны мэдисиинэ кэллиэһэ аһылларын туһунан үтүө сонун кэллэ. Тыа сиригэр маннык олус наадалаах филиаллар аһыллыылара – кэм ирдэбилэ.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.