Хаартыска: Валерий Николаев ТГ-ханаалыттан
От ыйын 13 күнүнээҕи туругунан Үөһээ Бүлүү улууһун Быракаан нэһилиэгин территориятыгар 3750 га иэннээх ойуур баһаара буола турар.
Баһаары бохсууга 68 киһи, ол иһигэр 19 Өргүөт нэһилиэгин олохтооҕо, 17 Быракаан нэһилиэгин олохтооҕо, 2 Дүллүкү нэһилиэгин олохтооҕо, 1 ПХС (пожарно-химическая станция), 8 ДПС, 6 ППС, 1 ОГПС үлэһиттэрэ, ону тэҥэ 15 тиэхиньикэ үлэлииллэр. Минерализованнай балаһалары оҥоруу үлэтэ ыытыллар, БЕ-200 зондировщик-сөмөлүөт, ону тэҥэ МИ-8 бөртөлүөт ууну быраҕыы үлэлэри ыыталлар диэн улуус баһылыга Валерий Николаев ТГ-ханаалыгар биллэрдилэр.
Кэнтик нэһилиэгин территориятыгар 640 га иэннээх ойуур баһаарын утары 101 киһи, ол иһигэр 65 Кэнтик нэһилиэгин олохтоохторо, 3 ойуур хаһаайыстыбатын үлэһиттэрэ, 23 баһаарынай химическэй ыстаансыйа (ПХС) үлэһиттэрэ, 10 эбии көмөлөһөөччүлэр, ону тэҥэ 16 тиэхиньикэ үлэлииллэр. Ойуур баһаара төгүрүллэн, уоту манааһын, минерализованнай балаһалары ыраастааһын үлэтэ бара турар.
Оҥхой нэһилиэгин Хомустаах сиригэр 885 га иэннээх ойуур баһаарын умуруорааһыҥҥа 110 киһи, ол иһигэр 80 олохтоох нэһилиэнньэттэн, 30 баһаарынай быыһыыр сулууспаттан уонна ойуур хаһаайыстыбатын үлэһиттэрэ, ону тэҥэ 11 тиэхиньикэ тардылынна. Ойуур баһаара төгүрүллэн, манааһын үлэтэ барар.
Үөдүгэй нэһилиэгин территориятыгар «Муҥур күөл» диэн сиргэ 12 га иэннээх ойуур баһаара турда. Ойуур баһаарын умуруорууга 16 киһи, ол иһигэр 5 Үөдүгэй нэһилиэгин олохтоохторо, 1 Үөһээ Бүлүү сэлиэнньэтин олохтооҕо, 5 Балаҕаннаах нэһилиэгин олохтоохторо, 3 Ньурба улууһуттан ПХС үлэһиттэрэ, 2 МЧС үлэһитэ таҕыстылар.
Быракаан нэһилиэгин территориятыгар буола тураар ойуур баһаара тыалтан күүһүрэн трассаҕа тахсара чугаһаабытынан, эбии ойуур уотун бохсууга нэһилиэнньэни этэрээттэргэ кыттыһарга ыҥырдылар.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…