Хаартыска видеоттан скриншоттанна
Кэнники сылларга Олохтоох көҕүлээһини өйөөһүн бырагырааматынан өрөспүүбүлүкэҕэ үгүс элбэх бырайыак олоххо киирэр буолла диэн Үөһээ Бүлүү улууһун дьаһалтатын пресс-сулууспата иһитиннэрэр.
2024 сылга Саха сирин бары улуустарыттан 482 сайаапка өйөбүлү ылан, бырайыактар олоххо киирэр кыахтаннылар.
Үөһээ Бүлүү улууһугар Олохтоох көҕүлээһини өйөөһүн бырагырааматынан бырайыактар 2017 сыллаахтан олоххо киирэллэр. Улууска олохтоох нэһилиэнньэ көмөтүнэн уопсайа 117 бырайыак үлэҕэ киирбитэ.
Быйыл Үөһээ Бүлүү улууһун 21 нэһилиэгиттэн 25 сайаапка киирбитэ. Куонкурус түмүгүнэн 16 нэһилиэктэн 20 бырайыак кыайан, уопсайа 55,9 мөл. солк. көрүллэн, бырайыактар сыл бүтүөр диэри үлэҕэ киириэхтээхтэр.
Бу көрүллүбүт 55,9 мөл. солкуобай сууматтан 39,8 мөл. солк. – өрөспүүбүлүкэ бүддьүөтүттэн, 1,2 мөл. солк. – улуус бүддьүөтүттэн, 8,4 мөл. солк. олохтоох бүддьүөттэн, 1,7 мөл. солк. – нэһилиэк дьоно кыттыһыытынан, 4,8 мөл. солкуобай спонсордар өйөбүллэринэн үбүлэнэр.
Ол курдук, биир кэрэ көстүүлээх, дириҥ ис хоһоонноох бырайыагынан Нам нэһилиэгин Даркылаах сиригэр тутуллубут «Тобуруокап аллеята» буолар. 2021 сыллаахтан бырайыак өйөбүлү ылан үлэтэ саҕаламмыта. Бу сиргэ Саха сирин суруйааччылара мустаннар «Тобуруокап көмүс күһүнэ» диэн хоһоон көҥүл түһүлгэтин тэрийэн ыытар үгэстээхтэр. Быйыл балаҕан ыйыгар бу түһүлгэ 8-с төгүлүн өрөспүүбүлүкэ араас муннуктарыттан бэйиэттэри, суруйааччылары, дьоҕурдаах дьону түмүөҕэ. Бу тэрээһиҥҥэ саҥа ааттар тахсаллар, суруйар дьоҕурдаахтар уопут атастаһаллар, санаа үллэстэллэр.
«Тобуруокап аллеятыгар» араас дьэрэкээн дьүһүннээх П.Н. Тобуруокап айымньыларыгар олоҕурбут маһынан оҥоһуктар ойуур быыһыгар дьикти алыптаах көстүүнэн киэркэйэллэр.
Бу курдук кэрэ көстүүлээх, дьоҥҥо-норуокка үөрүүнү, сайдыыны, иэйиини иҥэрэр саҥа бырайыактар олоххо киирэ турдуннар.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…