Хаартыска: Валерий Николаев ТГ-ханаалыттан
Үөһээ Бүлүүгэ байыаннай дьайыыга олохторун толук уурбут буойуттар дьиэ кэргэттэрин өйүүр өрөспүүбүлүкэтээҕи «Память воинов СВО» сойууһун бэрэстэбиитэллэрэ үлэлииллэр.
Кинилэр буойуттар чугас дьонноругар психологическай, юридическай уонна социальнай көмөнү оҥоруохтара. Бөлөх састаабыгар сойуус бэрэссэдээтэлэ, педагог-психолог, СӨ Уопсастыбаннай балаататын чилиэнэ Жанна Грекова, бэрэсээдээтэли солбуйааччы, полиция полковнига Лена Иванова, ону тэҥэ СӨ Эмчиттэрин конфедерациятын бэрэссэдээтэлэ, Арассыыйа волонтера Вероника Семенова бааллар.
Дэлэгээссийэ улууска алтынньы 31 күнүгэр диэри үлэлиэхтэрэ.
«Память воинов СВО» сойуус 2022 сыл балаҕан ыйыттан үлэлиир. Тэрилтэ сүрүн сыалынан олохторун толук уурбут саллааттар ааттарын үйэтитии уонна кинилэр дьиэ кэргэттэрин өйөөһүн буолар. Дэлэгээссийэ бу күннэргэ байыаннай дьайыыга сураҕа суох сүппүт, өлбүт, ону тэҥэ көҥүлэ суох байыаннай чаастарын хаалларбыт буойуттар дьиэ кэргэттэрин кытта көрсүһүүлэри ыытар. Үлэ былаанынан алтынньы 27 күнүгэр улуустааҕы киин бибилэтиэкэҕэ буойуттар дьиэ кэргэттэрин кытта уопсай көрсүһүү уонна биирдиилээн сүбэлэһии ыытылынна. Алтынньы 28 күнүгэр, бөлөх Хоро нэһилиэгэр үлэлиэҕэ. Алтынньы 29-30 күннэригэр киин бибилэтикэҕэ уонна Дьокуускайдааҕы психологическай киин Үөһээ Бүлүүтээҕи салаатыгар буойуттар дьиэ кэргэттэрин кытта биирдиилээн көрсүһүүлэр салҕаныахтара. Оттон алтынньы 31 күнүгэр улуус дьаһалтатын аактабай саалатыгар оскуола дириэктэрдэригэр аналлаах «Хорсун буойуттар ааттарын үйэтитии» диэн тиэмэҕэ сэминээр ыытыллыаҕа. Бу туһунан улуус дьаһалтатын пресс-сулууспата иһитиннэрэр.
Норуот дьокутааттара алтынньы 27 күнүгэр Ил Түмэҥҥэ 33-с Федеральнай сокуон иитинэн бэйэбит өрөспүүбүлүкэбитигэр олохтоох бэйэни салайыныы сокуонун…
Саха сириттэн алта устудьуон Москваҕа алтынньы 30 күнүттэн сэтинньи 2 күнүгэр диэри ыытыллар инбэлииттэр уонна…
Ньурба оройуонун суута олохтоох киһини өлөрүүгэ буруйдааҕын билинэн, бириигэбэр таһаарда. Быһылаан бу сыл атырдьах ыйыгар…
Саха сиригэр -40С кыраадыска тиийэ тымныйыа. Гидрометеосулууспа иһитиннэрэринэн, алтынньы 30 күнүгэр түүн хотугулуу-илин намыһах сирдэринэн…
Ааспыт суукка устата Дьокуускайга эмсэҕэлээччитэ суох 7 суол быһылаана таҕыста. Бу туһунан киин куораттааҕы Госавтоинспекция…
Бэтэринээрийэ управлениетын дааннайынан, сыл саҕаланыаҕыттан өрөспүүбүлүкэҕэ 3164 хаһаайына суох кыыл тутулунна. Өссө 137-тэ — приюттарга…