Үөһээ Бүлүүгэ паром туоруур кытылыгар массыына ууга түспүт

Бэҕэһээ, алтынньы 5 күнүгэр, Үөһээ Бүлүү улууһугар Күрдьэҕэлээх паром туоруур сиригэр кытылтан “УАЗ люкс” массыына туормаһа аккаастаан ууга түспүт.

Массыына иһигэр эр киһи суоппар уонна дьахтар пассажир баар эбиттэр. Бу көлөнү баһаарынай массыына ууттан таһаарбыт. Хомойуох иһин, массыына иһигэр баар дьон иккиэн быыһамматахтар.

Буолбут быһылаан төрүөтүн быһаарар силиэстийэ саҕаламмытын туһунан улуустааҕы ЕДДС иһитиннэрбит.