Хаартыска: н Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Үөһээ Бүлүү улууһугар ыытыллар «Тыа сирин оскуолата уонна Үөрэх маарката-2025» XXI өрөспүүбүлүкэтээҕи педагогическай дьаарбаҥкаҕа Саха сирин 19 улууһуттан 1,2 тыһыынчаттан тахса киһи кыттар.
Бырабыыталыстыба Бэрэссэдээтэлин солбуйааччыта Анатолий Семенов тэрээһин кыттааччыларын эҕэрдэлээн, өрөспүүбүлүкэҕэ үөрэх сайдыыта мэлдьитин урутаан иһэр хайысха буоларын бэлиэтээтэ.
«Үөһээ Бүлүү сирэ-уота чаҕылхай педагогтарынан аатырар. Кинилэр ортолоругар ССРС народнай учуутала, Саха АССР-га физиканы уонна математиканы дириҥэтэн үөрэтэр бастакы тыа оскуолатын төрүттээбит Михаил Андреевич Алексеев ураты миэстэни ылар. Биһиги улуу учууталбыт уонна кини үөрэнээччилэрэ педагогтар саҥа көлүөнэлэрин кынаттыы тураллар. Дьаарбаҥка бастыҥ педагогическай уопуту билиһиннэриигэ, эрэгийиэн үөрэҕин сайдыытын сүрүн соруктарын уонна тускулларын дьүүллэһиигэ үтүө түһүлгэ буолуо диэн эрэнэбин», – диэтэ Анатолий Семенов уонна бары кыттааччылары аһаҕас, таһаарыылаах кэпсэтиигэ ыҥырда.
Быйыл дьаарбаҥка тиэмэтэ – «Оскуола социокултуурунай кээмэйигэр: тыа сирин социальнай-экэнэмиичэскэй сайдыытыгар үөрэх өйөбүлэ». Педагогическай дьаарбаҥка бэс ыйын 30 күнүттэн от ыйын 2 күнүгэр диэри Үөһээ Бүлүү сэлиэнньэтин кэрэ айылҕалаах Түгэхтэй сиргэ ыытыллар.
Тэрийээччилэринэн буолаллар: «Үөһээ Бүлүү улууһа» МТ Үөрэҕин салалтата, «Эврика-Кэриэн-Уһуйуу» Ассоциация, Үөрэх инновационнай сайдыытын киинэ, С.Н. Донской-II аатынан «Үөрэх сайдыытын уонна идэни үрдэтии институута». Тэрээһин СӨ Үөрэҕин уонна наукатын министиэристибэтин өйөбүлүнэн ыытыллар, диэн Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата иһитиннэрэр.
Баһылайаптар оҕолоро улаатан, бары киэҥ сиринэн тэлэһийэн, дойдуларыгар да кэлбэт-барбат буоллулар. Икки этээстээх дьиэлэрэ, бэл,…
Бүгүн Саха сиригэр Ийэ күнэ. Орто дойдуга кыыс оҕо буолан айыллан кэлэн, кэргэн тахсан уоллаах…
Тыа сиригэр кэлиҥҥи сылларга араас социальнай суолталаах тутууну тэҥэ устуоруйаны үйэтитэр араас пааматынньыктар, искибиэрдэр тутуллаллар.…
Светлана Свинобоева – элбэх оҕолоох ийэ, бэйэ дьыалатын сайыннарар урбаанньыт. Кини аныгы үйэ дьахталларыттан уратыта…
Дьокуускай, Нерюнгри уонна Мииринэй куораттарга хантараагынан байыаннай сулууспаҕа гражданнары сүүмэрдиир пууннар РФ Оборуона министиэристибэтин кытта…
Саха сиригэр Ийэ күнүн көрсө Кэбээйи улууһун Куокуй нэһилиэгин "Угуйаан" култуура киинигэр күн күбэй ийэлэрбитигэр,…