Хаартыска: СӨ Ил Дарханын уонна Бырабыыталыстыбатын пресс-сулууспата
Үөдүгэй сэлиэнньэҕэ оҕо эмтиир куорпуһа тутуллар. Эбийиэк тутуута РФ Бэрэсидьиэнэ Владимир Путин көҕүлээбит «Продолжительная и активная жизнь» национальнай бырайыак чэрчитинэн ыытыллар.
Тутуу министиэристибэтигэр иһитиннэрбиттэринэн, бүгүҥҥү күҥҥэ тутуу бэлэмэ — 40%. Үлэ кыраапык быһыытынан оҥоһуллар. Эбийиэккэ инженернэй- тэхиниичэскэй персоналы киллэрэн туран, 39 исписэлиис үлэлиир.
Билигин фасада монтажтанар, түннүктэрин туруоруу, ититии ситимин тутуута ыытыллар. Сотору кэминэн лифт, вентиляционнай оборудование уонна дизельнэй электростанция киирэрэ күүтүллэр.
Саҥа куорпуска 13 куойкалаах стационар, ол иһигэр саҥа төрөөбүт оҕолор уонна төрөппүттэр бииргэ олорор балааталара, оонньуур зоналаах, буфеттаах буолуохтара. Ону тэҥэ суһал көмө хоһо уонна кэккэ диагностическай уонна консультативнай сулууспалардаах буолуоҕа: педиатрия кабинеттара, стоматология, офтальмология, хирургия, неврология, функциональнай диагностика, эндоскопия уонна ультразвуковой чинчийии хосторо.
Эбийиэк аныгы мэдиссиинэ оборудованиенан толору хааччыллыаҕа. Хантараагынан тутуу үлэтэ түмүктэниитэ 2025 сыл ахсынньытыгар былааннанар.
Сакаасчытынан «Служба государственного заказчика Республики Саха (Якутия)» буолар. Генеральнай бэдэрээтчит — «Траст» ХЭУо. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Дьокуускай киинигэр, Каландарашвили уулуссатын уонна Марк Жирков быстах туора уулуссатын быһа охсуһууларыгар, Нефтеюганскай куораттан сылдьар…
2025 сыл иккис аҥаарыгар “Звезднай” түөлбэ С секторыгар элбэх кыбартыыралаах икки саҥа дьиэни тутуу былааннанар.…
“СӨ сыл иитээччитэ-2025” идэ күөн күрэһин II түһүмэҕин иитинэн 15 лауреат маастар-кылаастарын көрдөрүлэр уонна брифиҥҥэ…
Саха сирин биир оройуонугар суут быһаарыытынан, 32 саастаах эр киһи суол саахалын түмүгэр тахсыбыт материальнай…
Алдан өрүскэ сааскы халаан иккис долгуна ааһарынан, уу таһыма эмискэ үрдээтэ. Икки нэһилиэнньэлээх пууҥҥа уһаайбалар…
Бэҕэһээ, бэс ыйын 4 күнүгэр, 22:30 чааска 112 нүөмэргэ эрийэн, Өлүөнэ өрүскэ Төхтүр сэлиэнньэтин диэки…