Үөһээ Бүлүүгэ сүппүт булчуту көрдүүллэр

1951 с.т. булчут алтынньы 25 күнүгэр Туобуйаттан атынан уонна икки ытын батыһыннаран бултуу барбытын туһунан иһитиннэрии киирбит.

Бултуур сирэ сэлиэнньэттэн быһа бардахха 20 км тэйиччи, онно сибээс суох.

Болдьообут күнүгэр кэлбэтэҕэр, биир дойдулаахтара көрдөөн саҕалаабыттар. Нэһилиэк дьоно көрдөөн бултуур сиригэр сэтинньи 4 күнүгэр тахса сылдьыбыттар. Үүнээтигэр саатын булбуттар уонна биир ыта баайыллан сытар эбит. Булчут бэйэтин да, атын, ытын да суола көстүбэтэх.

Нэһилиэк олохтоохторо салгыы сэтинньи 5 күнүгэр икки атынан уонна снегоходунан көрдөөбүттэр да мэлийбиттэр. Эбии көмөҕө Саха сирин быыһыыр сулууспатын Үөһээ Бүлүүтээҕи көрдүүр-быыһыыр этэрээтиттэн үс быыһааччы биир тиэхиньикэнэн тиийбиттэр.

Туобуйа Үөһээ Бүлүү улууһугар биир саамай уустук суоллаах-истээх сир. Улуус кииниттэн 300 км тэйиччи баар. Бүгүн сарсыарда онно 30 кыраадыс тымныы.

СӨ Быыһыыр сулууспата