Үөһээ Бүлүүгэ табахтан гараас умайда

От ыйын 24 күнүгэр сарсыарда 08:50 чааска баһаарынай-быыһыыр сулууспаҕа Үөһээ Бүлүү сэлиэнньэтин Дальняй уулуссаҕа чааһынай гарааска уот турбутун туһунан иһитиннэрии киирбит. Бу туһунан Саха сиринээҕи ЫБМ сулууспатын пресс-сулууспата иһитиннэрэр.

Баһаарынай харабыл күүстэрэ баһаар турбут миэстэтигэр 5 мүнүүтэнэн тиийбиттэр. Баһаар түмүгэр ким да эмсэҕэлээбэтэх, гараас 35 кв.м иэнэ уокка былдьаммыт.

Аттыгар турар олорор дьиэ быыһаммыт. Барыллаан быһаарыынан, баһаар төрүөтэ – быраҕыллыбыт табах. Буруйдаахтар уонна хоромньу быһаарыллар. Уоту умуруорууга 6 үлэһит уонна 2 тиэхиньикэ кыттыбыт.