Бүгүн Саха сирин бары оскуолаларыгар бүтэһик чуораан чугдаарда.
Үөһээ Бүлүү улууһун бары оскуолаларыгар эмиэ үөрэх дьылын түмүктүүр тиһэх чуораан чугдаарда. Быйыл Үөһээ Бүлүү улууһун үрдүнэн 11-с кылааһы 179, 9-с кылааһы 329 үөрэнээччи бүтэрэр.
Улуус үрдүнэн 11-с кылааһы 14 оҕо кыһыл көмүс мэтээлинэн бүтэрээри сылдьар диэн Үөһээ Бүлүү улууһун дьаһалтатын пресс-сулууспата иһитиннэрэр.
Бүгүн Үөһээ Бүлүүтээҕи 4-с №-дээх нүөмэрдээх оскуолаҕа үөрэх дьылын түмүктүүр үөрүүлээх линиэйкэҕэ улуус баһылыга Валерий Николаев кыттынна. 4-с №-дээх оскуоланы быйыл 17 оҕо бүтэрэн эрэр.
Үөрүүлээх тэрээһиҥҥэ араас сылларга оскуоланы салайбыт дириэктэрдэр Ю.В. Кынатов, Ф.Ф. Гольдеров, А.М. Александров, М.В. Ан уонна оскуола билиҥҥи дириэктэрэ С.Н. Кардашевскай выпускниктары эҕэрдэлээтилэр.
«Күндү Үөһээ Бүлүү улууһун выпускниктара! Эһиги 11 сыл устата ылбыт билиигитин туһанан, эксээмэннэргитин ситиһиилээхтик туттаран, талбыт үөрэххитигэр киирэр кэмҥит кэллэ. Эһиги иннигитигэр устудьуон олоҕо кэтэһэр. Үрдүк, орто үөрэх кыһатын бүтэрэн, үтүө үлэһит дьон буолаҥҥыт дойдугутугар эргиллэн, төрөөбүт улуускут туһугар үлэлиэххит-хамсыаххыт диэн бигэ эрэллээхпит», — диэн улуус баһылыга Валерий Николаев эҕэрдэлээтэ.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…