Хаартыска: улуус дьаһалтатын пресс-сулууспата
Үөһээ Бүлүү улууһугар ааспыт сыл түмүгүнэн тыа хаһаайыстыбатын салаатыгар 16 сүөһү, сылгы иититинэн дьарыгырар потребительскай кэпэрэтиип, 2 бүддьүөт тэрилтэтэ, көмө хаһаайыстыбата, 2 соҕотуопка тэрилтэтэ — үүтү соҕотуопкалыыр «Үөһээ Бүлүү» ХЭТ уонна эти соҕотуопкалыыр «Бай-Тай» ТХПК, 74 бааһынай хаһаайыстыбата үлэлиир.
2025 сыл тохсунньу 1 күнүнээҕи туругунан улууска уопсайа сүөһү ахсаана — 9445, ол иһигэр 3651 ыанар ынахтаах диэн улуус баһылыга сыллааҕы үлэтин түмүгүнэн иһитиннэрдэ. Сылгы ахсаана — 8083 , ол иhигэр биэтэ — 5031 . Ааспыт сылга 2559 туонна үүт бэлэмнэниитэ былааннаммытыттан, 1530 туонна кэриҥэ үүт туттарыллыбыт. Ааспыт сылга от бэлэмнээһинэ былаан быһыытынан 26000 туонна эбит буоллаҕына, 24702 туонна от бэлэмнэммит. Ону таһынан 1205 туонна эбии аһылык уонна 300 туонна сиилэс бэлэмнэммит.
Улууска уопсайа 69279 гектар тыа хаһаайыстыбатын сирэ баар, ол иһигэр бааһыната – 2160 га, ходуһата – 25811 га, мэччирэҥ сирэ – 39249 га, быраҕылла сытар сирэ — 2059 га. 2024 сылга хортуоппуй 192 га сиргэ олордуллубут, 63,145 туонна оҕуруот аһа 42,241 га сиргэ олордуллубут.
Үөһээ Бүлүүгэ үүт тэриллиилээх хаһаайыстыбалара ааспыт сылга 1530 туонна үүтү туттараннар, эрдэ былааннаммыт көрдөрүү туолбакка, үүт харчыта — 72 мөлүйүөн кэриҥэ солкуобай, маны тэҥэ ыанар ынах төбөтүн харчыта — 23 мөл. кэриҥэ солкуобай өрөспүүбүлүкэ бүддьүөтүгэр төнүннэриллибит. Сүөһү аһылыгын оҥоруу бырагыраамматынан өрөспүүбүлүкэ бүддьүөтүттэн — 9 595 734 солк, улуус бүддьүөтүттэн — 12 мөл.солк. көрүллэн түөрт хайысханан 8 бааhынай хаhаайыстыбаҕа (Дүллүкү, Кэнтик, Боотулуу, Хоро, Мэйик, Балаҕаннаах, Ороhу, Далыр), 2 тэриллиилээх хаhаайыстыбаҕа (Нам, Үөдүгэй) уопсайа 10 МТЗ 82.1 тыраахтыр атыылаһыллыбыт. Ону таhынан улуус бүддьүөтүттэн үүт туттарыытыгар 1 киилэтигэр 15 солкуобайдаах эбии субсидия көрүллэн, ааспыт сылга үүт туттарыытын сыаната 1 киилэҕэ 95 солкуобайга тэҥнэспит. Ахсынньы ыйга Оҥхой нэһилиэгэр саха ынахтарыгар анаммыт 50 төбөлөөх хотон тутуллан үлэҕэ киирбит диэн улуус дьаһалтатын пресс-сулууспати һиһитиннэрэр.
Кэлэн иһэр саргылаах Саҥа дьылынан ытык-мааны сахам дьоно! Уһук хоту дьааҥы үрэх үрдүгэр турар Усуйаана…
Саха сирин экологияҕа министиэристибэтин сылы түмүктүүр мунньаҕар “Зеленый четверг” экология бырайыагын тэнитиигэ стратегическай сиэссийэ буолла.…
Дойдутааҕы МАХ мессенджергэ "Госуслуги. Култуура" диэн кыра сыһыарыы үлэлиир. Кини көмөтүнэн Арассыыйа үрдүнэн араас култуура…
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…