Хаартыска: Валерий Николаев.
Үөһээ Бүлүү улууһун салалтата өрөспүүбүлүкэтээҕи бырагыраамаларга өрүү ситиһиилээхтик кыттар.
Бэҕэһээ, бэс ыйын 16 күнүгэр, анал бырагыраама өйөбүлүнэн нэһилиэктэр бааһынай хаһаайыстыбаларыгар тыраахтар көлөлөрү туттардылар. Бу туһунан бэйэтин ТГ-ханаалыгар улуус баһылыга Валерий Николаев маннык сырдатта:
«Үөһээ Бүлүү улууһугар үлэлии-хамсыы сылдьар тэриллиилээх хаһаайыстыбаларбытыгар СӨ тыа хаһаайыстыбатын министиэристибэтэ ыытар сүөһү, сылгы аһын бэлэмнээһиҥҥэ (кормозаготовка) бырагырааматын өйөбүлүнэн ылыллыбыт 3 «Беларус» МТЗ 1221.3 тыраахтардары туттардыбыт. Быйыл бырагыраамаҕа ситиһиилээхтик кыттан, өрөспүүбүлүкэттэн 6 мөл. 992 тыһыынча көрүллүбүтэ. Онно эбии улуус бүддьүөтүттэн 12 мөл. солкуобайы көрөммүт, уопсайа 18 мөл. 992 тыһ. солкуобай быйыл «кормозаготовка» салаатыгар уурулунна. Бу үптэн 9 мөл. 240 тыһ. солкуобайы 3 тыраахтары ыларга көрдүбүт. Биир «Беларус» МТЗ 1221.3 тыраахтар сыаната 4 мөл. 400 тыһыынча солкуобай эбит буоллаҕына, 3 мөл. 80 тыһ. солкуобайа «Кормозаготовка» бырагырааматын көмөтүнэн төлөннө. Бүгүн үөрүүлээх быһыыга-майгыга саҥа тыраахтардар күлүүстэрин туттардыбыт: Мэйик нэһилиэгиттэн урбаанньыт Спиридонова Екатерина Мартовна 102 төбө сылгылаах тэриллиилээх хаһаайыстыбатыгар; Кырыкый нэһилиэгиттэн урбаанньыкка — 88 төбө сүөһүлээх, 25 төбө сылгылаах Григорьев Николай Николаевичка; Нам нэһилиэгиттэн 100 төбө ыанар ынахтаах «Сайдыы» СХПК салайааччытыгар Колтовской Александр Александровичка. Саҥа «Беларус» тыраахтардары ылбыт туруу үлэһит дьоммутугар ситиһиилээх, быйаҥнаах үлэни, уйгулаах үүнүүлээх сайыны баҕарабыт. Улууспут тыатын хаһаайыстыбатын сайыннарыыга түмсүүлээх, сыралаах үлэҕит иһин махтанабыт! Тутан олорор хаһаайыстыбаҕыт өссө сайда, кэҥии, элбии турдун!»
Сиһилии t.me/ValeriNikolaev сигэнэн киирэн билсиҥ.
СӨ Тырааныспарын министиэристибэтэ иһитиннэрбитинэн, өрөспүүбүлүкэҕэ сорох өрүстэргэ паром сырыыта тохтотулунна. Ол курдук: - Үөһээ Бүлүү…
Бүгүн, алтынньы 15 күнүгэр, Анаабыр, Булуҥ, Усуйаана, Аллайыаха, Үөһээ Халыма улуустарыгар хотугулуу-арҕааттан 15-20 м. түргэннээх…
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…