Үөһээ бүлүүлэр байыаннай балыыһаларга эмтэнэ сылдьар биир дойдулаахтарын көрүстүлэр

Үөһээ Бүлүү улууһун дэлэгээссийэтэ  Москва куоракка тиийэн, РФ Оборона министиэристибэтин иһинэн үлэлиир байыаннай балыыһаларга бааһыран эмтэнэ сылдьар биир дойдулаахтарын көрүстүлэр.

— Байыастарбытыгар этэҥҥэ эмтэнэн, туруктара бөҕөргүүрүгэр, доруобуйалара тупсарыгар диэн, төрөөбүт дойдуларыттан балык, убаһа этин, быарын уонна ийэлэр, эбээлэр астаабыт дьиэ аһын туттардыбыт. Уолаттар дойдуларын сонунун сэргии истэн, бэйэлэрин сонуннарын кэпсээн, сэргэх көрсүһүү буолла.

Байыастарга дойдуларын амтаннаах аһын туттаран, туруктарын билсэн, сэһэргэһэн баран салгыы былааннаммыт сирбитигэр айаҥҥа туруннубут, — диэн улуус баһылыга Валерий Николаев иһитиннэрдэ.