Үөһээ бүлүүлэр байыаннай дьайыы сиригэр гуманитарнай көмөнү илдьиэхтэрэ

От ыйыгар Үөһээ Бүлүү улууһун делегацията иккис төгүлүн  байыаннай дьайыы сиригэр биир дойдулаахтарын кытта көрсө, гуманитарнай баһыылканы тиэрдэ барара былааннанар.

«Улуус тэрилтэлэриттэн, биир дойдулаахтарбытыттан гуманитарнай көмөнү хомуйуу үлэтэ саҕаламмыта.  Үөһээ Бүлүүтээҕи Таҥара дьиэтин Аҕабыыта Иерей Михаил Иннокентьев байыастарга анаан 100 кириэс, 75 хармааҥҥа уктар иконалары туттарда. Таҥара күлүгэ  байыаннай дьайыыга сылдьар уолаттарбытын харыстаатын, араҥаччылаатын, этэҥҥэ дойдуларыгар эргиллэн кэлэллэригэр күүс-көмө буоллун!», — диэн Үөһээ Бүлүү улууһун дьаһалтатын пресс сулууспата иһитиннэрдэ.