Бу өрөбүлгэ Баһылай Манчаары аатынан «Модун» успуорт киинигэр Саха сирин ыччатын уонна устудьуоннарын улуустарын холбоһугун икки ардыларыгар саха төрүт көрүҥнэригэр «Боотурдар оонньуулара» күрэхтэһии буолан ааста.
Сыл аайы «Боотурдар оонньуулара» киэҥ хабааннанан, элбэх кыттааччыны, көрөөччүнү, ыалдьааччыны тардар буолла.
Санатар буоллахха, бу күрэхтэһии 2015 сыллаахха ууга түспүт оҕону быыһаары суорума суолламмыт спортсмен Алексей Никифоров сырдык кэриэһигэр ананан ыытыллар. Үтүө киһи аата үйэлэргэ ааттанар. Кини сырдык өйдөбүлүгэр, аата ааттанарыгар бу турнир суолтата улахан. Алексей Кэбээйи улууһун устудьуоннарын түмсүүтүн бэрэссэдээтэлэ этэ уонна бу оонньууларга куруук ситиһиилээхтик кыттара.
Быйылгы турниирга барыта 17 хамаанда араас улуустан кытынна. Боотурдар үс төгүл үс, тутум эргииргэ, мас тардыһыытыгар, өһөс торбос, балык былдьаһыыта, хапсаҕай, хомуур хапсаҕай, ханаат тардыһыыта курдук көрүҥнэргэ биирдиилээн уонна хамаанданан бастыыр иһин илин-кэлин түсүһэн, тыҥааһыннаах киирсии буолла.
Икки күннээх быйылгы турнир кыайыылааҕынан Үөһээ Бүлүү хамаандата ааттанна. Кэнники сылларга иккис буолар Бүлүү хамаандата, быйыл эмиэ таһымын тутан – иккискэ таҕыста. Эрдэ бастыы сылдьыбыт Уус-Алдан хамаандата үһүс буолла. Кыранан кыайтаран, Чурапчы уонна Горнай хамаандалара 4-5 миэстэлэргэ тигистилэр.
Хаартыскалар «Спорт Якутии» саайтан
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…