Хаартыска: улуус дьаһалтатын пресс-сулууспата
Үөһээ Бүлүү улууһугар атырдьах ыйын 27 күнүгэр Территориальнай быыбардыыр хамыыһыйа түөрт учаастактааҕы быыбардыыр хамыыһыйалар чилиэттэрин кытта сэминээр тэрийэн ыытта.
Бу туһунан улуус дьаһалтатын пресс-сулууспата суруйар. Санаттахха, биир кэлим куоластааһын күнүгэр, балаҕан ыйын 8 күнүгэр, өрөспүүбүлүкэҕэ 79 быыбардыыр хампаанньа былааннанан турар. Ол иһигэр Халыма-Индигиир биир мандааттаах быыбардыыр уокуругуттан Ил Түмэн норуотун дьокутаатын быыбара ыытыллар.
Оттон Үөһээ Бүлүүгэ балаҕан ыйын 8 күнүгэр Кэнтик уонна Харбалаах нэһилиэктэрин баһылыктарын быыбара, 18 №-дээх Кырыкый-Дүллүкү биир мандааттаах уокурук улуус Сэбиэтин дьокутаатын эбии быыбара буолуоҕа.
Үөһээ Бүлүүтээҕи Территориальнай быыбардыыр хамыыһыйа бэрэссэдээтэлин солбуйааччы Александра Иванова иһитиннэриитинэн, бу нэһилиэктэргэ 1410 быыбардааччылаах, ол эбэтэр быыбарга улуус хас биирдии онус олохтооҕо кыттыыны ылыаҕа.
Быыбар кэмигэр ордук куттал суох буолуутун хааччыйыы боппуруостарыгар болҕомто уурулунна. Сэминээргэ оройуон баһылыгын солбуйааччы Егор Иванов, улуустааҕы ИДьМ начаалынньыга Альберт Николаев, баһаарынай сулууспа начаалынньыга Виктор Новиков, ГИБДД начаалынньыга Семен Артемьев кытыннылар. Быыбар хамыыһыйалара өссө төгүл быыбар иннинээҕи чаһыларын тэҥнээтилэр, билиилэрин санаттылар.
Бүгүҥҥүттэн, атырдьах ыйын 28 күнүттэн, учаастактааҕы быыбардыыр хамыыһыйаларынан быыбар болдьоҕун иннинэ куоластааһын саҕаланар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…