T.me/ValeriNikolaev
Парижка ыытыллыбыт Олимпиада кыттыылааҕын, Арассыыйа 5 төгүллээх чемпионкатын, Москва марафонун 3 төгүллээх чемпионкатын, Үөһээ Бүлүү улууһун уонна Тамалакаан нэһилиэгин Бочуоттаах олохтооҕун Сардаана Трофимованы төрөөбүт дойдутугар — Үөһээ Бүлүүгэ чиэстээтилэр.
Сардаананы илэ харахтарынан, уот кулгаахтарынан көрө-истэ Үөһээ Бүлүү улууһун дьоно-сэргэтэ оҕо ускуустубатын оскуолатын саалатыгар толору муһуннулар. Сардаана Александровнаны үрдүк ситиһиитинэн «Үөһээ Бүлүү улууһа» муниципальнай оройуона, ону сэргэ улуус нэһилиэктэрин баһылыктара, тэрилтэ салайааччылара эҕэрдэлээтилэр.
Сардана Александровна түмүккэ биир дойдулаахтарыгар өйөбүллэрин иһин махтанна. Чуолаан улуус оҕолоругар, саҥа саҕалаан эрэр спортсменнарга хаһан да баҕа санааҕытыттан киэр хайыспакка иннин диэки бара туруҥ, Үөһээ Бүлүү улууһун түмсүүлээх өйөбүлүнэн элбэҕи ситиһиэххит диэн сүбэ-ама тылын эттэ.
— Үөһээ Бүлүү улууһун эрэ буолбакка, бүтүн Саха сирин аар саарга аатырдыбыт, аан дойдуга ааттаппыт улуу чемпионкабытын, спортсменкабытын үрдүк ситиһиилэринэн эҕэрдэлиибит уонна махтанабыт. Тус олоххор дьолу-соргуну, чэгиэн доруобуйаны, үрдүктэн үрдүк чыпчааллары баҕарабыт, — диэн улуус баһылыга Валерий Николаев телеграмҥа ханаалыгар суруйда.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …