Үөһээ Бүлүүттэн сэттэ быыһааччы Өймөкөөҥҥө көмөҕө айаннаата

Халаантан эмсэҕэлээбит Өймөкөөн улууһугар көмөлөһөргө Үөһээ Бүлүүттэн сэттэ киһилээх мобильнай биригээдэ ыытылынна. Бу туһунан улуус дьаһалтатын пресс-сулууспата иһитиннэрэр.

Биригээдэ састаабыгар Сургуулук, Өргүөт, Оҥхой, Ороһу, Кырыкый, Кэнтик, Харбалаах нэһилиэктэрин муниципальнай баһаарынай чаастарын быыһааччылара киирдилэр. Көмөҕө туруммут быыһааччылар — Борис Иванов, Василий Оконосов, Дмитрий Сидоров, Александр Иванов, Александр Абрахов, Василий Прокопьев, Василий Гаврильев.

Кинилэр халаан содулун туоратыыга уонна эмсэҕэлээбит дьонс-сэргэ олоҕун-дьаһаҕын чөлүгэр түһэриигэ үлэлиэхтэрэ.

«Үөһээ Бүлүү улууһун дьаһалтата ыҥырыыны ылынан, уустук кэмҥэ көмөҕө аттаммыт биир дойдулаахтарыгар махталын тириэртэ уонна Өймөкөөн олохтоохторугар күүстээх санааны, бигэ туругу баҕарда», — диэн пресс-сулууспа иһитиннэриитигэр этиллэр.