Үөһээ Дьааҥы оройуонугар сүппүт киһини буллулар

От ыйын 4 күнүгэр Үөһээ Дьааҥы оройуонун Боруулаах нэһилиэгин дьаһалтатыттан,  1969 с.т.эр киһи сүппүтүн туһунан СӨ Быыһыыр сулууспатыгар иһитиннэрии киирбит.

Эр киһи Арыылаах нэһилиэгин Бала сэл. бэс ыйын 30 күнүгэр икки атынан Томтор сэл. айаннаабыт. Ол кэннэ от ыйын 4 күнүгэр диэри сибээскэ тахсыбатах.

От ыйын 4 күнүгэр  13:44 (Дьокуускай бириэмэтинэн) Үөһээ Дьааҥытааҕы ПСО быыһааччылара  2 квадроциклынан көрдүү барбыттар.

Бүгүн, от ыйын  5 күнүгэр,  18.30 ч. волонтердар сүппүт киһини Токума сэл. 6 км Сэтэн диэн сиргэ көрсүбүттэр.

Эр киһи кэпсээбитинэн, кини бастаан муммут, ол кэннэ тыатааҕыны көрсүбүт, онтон миинэр атын сүтэрбит.  Инньэ гынан биир аттаах сатыы хааман, уһаан-кэҥээн хаалбыт. Эр киһи доруобуйата этэҥҥэ диэн СӨ Быыһыыр сулууспата иһитиннэрдэ.