Үөһээ Дьааҥы улууһугар «Сокол» квадроцикл түҥнэстэн биир киһи өлбүт

Бэс ыйын 24 күнүгэр Үөһээ Дьааҥы улууһугар, Бөтөҥкөс нэһилиэгин аттыгар «Сокол» квадроцикл түҥнэстибитин туһунан иһитиннэриинэн, 11:05 чааска Баатаҕай бөһүөлэгиттэн Саха сирин Быыһыыр сулууспатын Үөһээ Дьааҥытааҕы этэрээтин 4 киһилээх састааба икки квадроциклынан тахсыбыт.

13:54 чааска Көтөт диэн сиргэ, Боллот хайатын аттыгар, вездеход анныгар сытар эр киһи өлүгүн булбуттар. Иккис киһи туруга орто. 16:00 чааска быыһыыр бөлөх эвакуациялыыр былаһаакканы оҥорон, координааттарын ыыппыт. Бу туһунан Саха сирин Быыһыыр сулууспатын пресс-сулууспата суруйар.

17:45 чааска Быыһыыр сулууспа Үөһээ Дьааҥытааҕы этэрээтин салайааччыта Егор Слепцов, ИДьМ үлэһитэ уонна миэдик эмсэҕэлээбиттэри Көтөт сириттэн Баатаҕай бөһүөлэгэр МИ-8 бөртөлүөтүнэн көтүппүттэр. 20:17 чааска Баатаҕай бөһүөлэгэр тиийбиттэр, өлбүт киһи өлүгүн 02 үлэһиттэригэр туттарбыттар. Миэстэтигэр силиэстийэлиир-суһал бөлөх үлэлиир.