Үөһээ Дьааҥыга аҕам саастаах эр киһи сураҕа суох сүппүт

Үөһээ Дьааҥы улууһугар соҕотоҕун олорор биэнсийэлээх эр киһи сураҕа суох сүппүт. Кини Үҥкүр сэлиэнньэтиттэн Бала сэлиэнньэ диэки тахсан барбыт. Бу туһунан Саха сиринээҕи Быыһыыр сулууспатын пресс-сулууспата иһитиннэрэр.

Сүппүтүн туһунан иһитиннэрии алтынньы 7 күнүгэр сарсыарда 09:15 чааска Арыылаах нэһилиэгин баһылыгын солбуйааччытыттан киирбит.

Сэлиэнньэлэр икки ардылара 110-ча километр. Эр киһини көрдүү олохтоохтор «Сокол» квадроциклларынан айаннаатылар. Быһылаан Саха сирин Быыһыыр сулууспатын хонтуруолугар ылыллыбыт.