Үөһээ Дьааҥыга сүппүт эр киһи өлүгүн буллулар

Үөһээ Дьааҥы улууһун Арыылаах нэһилиэгэр сүппүт 1976 с.т. эр киһи өлүгүн буллулар. Ол туһунан Саха сиринээҕи Быыһыыр сулууспатыгар иһитиннэрдилэр.

От ыйын 9 күнүгэр эр киһи «Каракат» вездеходунан Маана учаастагар сылгы баазатыгар айааннаабыт уонна төннүбэтэх. Сүппүт киһини үс быыһааччы, ис дьыала уорганын үлэһитэ уонна биэс аймахтара көрдөөбүттэр. От ыйын 18 күнүгэр эр киһи өлүгүн нэһилиэктэн 30 км тэйиччи Ампаардаах сиригэр булбуттар. Барыллаан быһаарыынан, эр киһи вездеходтан охтубутун кэннэ вездеход икки атаҕын баттаабыт. Эр киһи өлүгүн маннык балаһыанньаҕа сытарын булбуттар.

Миэстэтигэр силиэстийэ үлэһиттэрэ үлэлииллэр.