Үөһээ Дьааҥыга сүппүт киһини быыһааччылар көрдүүллэр

«Вести Верхоянья» суруйарынан, Үөһээ Дьааҥы улууһугар  сүппүт киһини көрдөөһүҥҥэ сэттэ киһилээх көрдүүр-быыһыыр этэрээт Ми-8 бөртөлүөтүнэн бэҕэһээ  көппүт.

Барыллааһын быһыытынан,  Дьааҥы олохтооҕо Дулҕалаах нэһилиэгин учаастагар сүппүт.  Аймахтара кэпсээбиттэринэн, кини бу ый саҥатыттан сибээскэ тахсыбатах. Онон, эр киһини аймахтара бэйэлэрэ бастаан көрдөөн саҕалаабыттар. Ол кэнниттэн биирдэ быыһааччыларга биллэрбиттэр.