Үөһээ Дьааҥыга табаны ылсыы-бэрсии иирсээниттэн киһини өлөрбүт

Үөһээ Дьааҥы улууһун Борокуратуурата 47 саастаах эр киһи холуобунай дьыалаҕа буруйдуур бириигэбэрин бигэргэттэ. Буруйданааччы РФ Холуобунай Кодексын 1 ч. 105 ыст. киһини өлөрүүгэ буруйданна.

Силиэстийэ быһаарбытынан, быйыл саас буруйданааччы Баатаҕай Алыыта нэһилиэккэ доҕотторун кытта арыгы испит. Эр дьон арыгы иһэ олорон, урут таба ылсыыга-бэрсиигэ биирдэстэрэ эрэннэрбит тылын толорботоҕуттан, иирсээн тахсыбыт. Кыыһырсыы түмүгэр хара санаалаах буруйданааччы эр киһини быһаҕынан куртахха анньыбыт. Эмсэҕэлээччи балыыһаҕа киирбит эрээри, өр сытан баран суорума суолламмыт.

Борокуратуура буруйдуур быһаарыытын бигэргэтэргэ холуобунай дьыаланы суут көрүүтүгэр ыытта. Бу туһунан СӨ Борокуратуурата суруйар.