Хаартыска: Ил Дархан уонна бырабыыталыстыба пресс-сулууспата.
Үөһээ Халыма оройуонугар 2027 сылга диэри автоматизированнай гибрид-энергетическэй комплекстары тутуу былааннанар.
Бу туһунан ситэриилээх былаас отчуотугар эттилэр. Саха сиригэр уопсайа “гибриднэй” дэнэр технологиянан 73 эбийиэги саҥардыы былааннанар. Бырайыактар 20 млрд солк. инвестиция кээмэйдээх энергетическэй сиэрбис дуогабардарын мэхэньииһимин көмөтүнэн олоххо киириэхтээхтэр.
Бу иннинэ маннык бырайыактар Улахан Күөл, Кулун Өлбүт, Хонуу, Чуумпу-Кытыл, Сааһыыр нэһилиэктэригэр уонна Верхоянскай куоратыгар олоххо киирбиттэрэ. Кинилэр үлэлэринэн уматык ороскуотун 1400 туоннанан кыччаппыттар.
Ааспыт сыл балаҕан ыйыгар Өлүөхүмэ оройуонун Урицкай, Дабаан уонна Саҥыйахтаах нэһилиэктэригэр, ону тэҥэ Томпо оройуонун Тополинай нэһилиэгэр уопсайа 3,7 МВт кыамталаах энергетическэй комплекстар үлэҕэ киирдилэр.
Саҥардыллыбыт эбийиэктэрдээх нэһилиэнньэлээх пууннар кииннэммит уоттан араарыллыбыттар. Кыһыҥҥы кэмҥэ онно температура — 60 кыраадыстан аллараа да түстэр, уотунан хааччыллыы эрэллээх буолан, олохтоох дьон олоҕор куттал суоһаабат.
Хас биирдии энергетическэй комплекс үрдүк таһаарыылаах дизельнэй электро-ыстаансыйаны , күн уотун ыстаансыйатын уонна эниэргийэни мунньар систиэмэни киллэрэр, бары биир автоматизированнай хонтуруоллуур -ыстаансыйаҕа холбоһоллор.
Күн электростанцияларын уонна эффективнай дизельнэй генератордары туһаныы тас дойдуттан киирэр органическай уматык кээмэйин биллэ аҕыйатыаҕа уонна айылҕаҕа куһаҕан дьайыыны аҕыйатыаҕа.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…