Үөһээ Халымаҕа балыксыт тимирбит

Үөһээ Халыма улууһун Зырянка бөһүөлэгэр Халыма өрүскэ эр киһи балыктыы сылдьан тимирбитин туһунан СӨ Быыһыыр сулууспата иһитиннэрэр.

Эр киһини аймахтара көрдүүллэр, Халыматааҕы көрдүүр-быыһыыр этэрээт быыһааччылара көрдүү барарга бэлэмнэрин туһунан биэдэмистибэ пресс-сулууспата суруйар.

Балыксыт аймахтара этэллэринэн, эр киһи снегоходунан балыктыы диэн аҕыйах хонуктааҕыта барбыт уонна кэлбэтэх. Кинини көрдүү сылдьан быһаарбыттарынан, эр киһи барыах буолбут сириттэн туораан, атын хайысханы тутуспут. Оттон снегоходун суола өрүскэ тиийэн быстыбыт.