Үөһээ Халыма олохтооҕун буруйунан киһи өлбүтүнэн көҥүлүн быстылар

Үөһээ Халыма оройуонун суутунан олохтоох киһи буруйданна. Кини уу тырааныспарын ыытарыгар куттала суох буолуу быраабылатын кэспит уонна пассажир өлбүтүгэр буруйдааҕынан ааҕылынна.

Суут быһаарыытынан былырыын балаҕан ыйыгар Халыма өрүс Стадухинскай боротуокатынан кыра мотуорканан айаннаан иһэн пассажиры быыһыыр жилетынан хааччыйбатах.
Түмүгэр итирик туруктаах пассажир ууга түһэн тимирбит. Суут буруйданааччыны 3 сыл болдьоххо көҥүлүн быһарга уураахтаата. Бу туһунан Илин-Сибиирдээҕи тырааныспар борокуратуурата суруйар.