Хаартыска: «Верхнеколымские новости» ТГ-ханаалтан
Икки сыл анараа өттүгэр Үөһээ Халыма улууһугар улахан устуоруйаҕа киирэр арыйыы буолбута – 1930-с сылларга хаайыылаахтар туппут Зырянка бөһүөлэгиттэн Угольнай сэлиэнньэтигэр диэри суолунан «Дальстрой» управлениета чоҕу таһарга туһаммыт паровоһун тобоҕо көстүбүтэ. Бу туһунан «Верхнеколымские новости» ТГ-ханаала суруйар.
Оччолорго «Дальстрой» иннигэр Үөһээ Халыма сиригэр кыра кэм иһигэр Зырянкатааҕы чох бассейнын бырамыысыланнай баһылааһынынан, хостооһунунан, тиэйиитинэн дьарыктанар уонна Халыма көмүс бириискэлэрин чоҕунан хааччыйар сорук турбута.
«Нуучча географическай уопсастыбата» Бүтүн Арассыыйатааҕы уопсастыбаннай тэрилтэ Саха сиринээҕи салаата бу булумньуну «улахан устуоруйаҕа киирэр сыаннас» диэн ааттаата уонна ол кэминээҕи тимир суол улахан суолталааҕын, Саха сиригэр бастакы тимир суола буоларын бэлиэтээтэ.
Былырыын Нуучча географическай уопсастыбатын эспэдииссийэтин кэмигэр, Угольнай сэлиэнньэтин Зырянка үрэҕэр, майгынныыр паровоз хочуола уонна турбата көстүбүттэрэ. Булумньу сытар сирин Угольнайдааҕы сынньалаҥ киинин сэбиэдиссэйэ Сергей Мостолюк ыйбыта.
Кыраайы үөрэтэр түмэл дириэктэрэ, эспэдииссийэ кыттыылааҕа Петр Молдованов маннык кэпсиир: «Булумньуну көрдөрбүтүм кэннэ, паровоһу таһаарар туһунан «Арктика суоллара» хампаанньаны кытта тута сөбүлэспиппит. Паровоһу чөлүгэр түһэриигэ үгүс үп-харчы наада буолуо. Наталья Винокурова булбут бастакы паровоһа суол 2-с килэмиэтиригэр сытар. Усулуобуйа көҥүллээтэр эрэ, икки булумньуну кыһыҥҥы суолунан Аллараа Бэстээххэ «Саха сирин тимир суоллара» АХ тиэрдэр былааннаахтар. Акционернай уопсастыба дьаһалтата паровоһу чөлүгэр түһэрэр былааннаах.
Чөлүгэр түһэрии үлэлэрэ түмүктэммитин кэннэ, паровоз Аллараа Бэстээх тимир суолун вокзалыгар туруоруллуоҕа. Онно Үөһээ Халыма улууһун устуоруйатыттан кылгас ыспыраапкалаах уонна бу Саха сирин бастакы тимир суолун паровоһа буоларын туһунан бэлиэлээх табылыысса туруоруллуоҕа».
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…