Үөһээ Бүлүү улуустааҕы киин балыыһата саҥа мэдиссиинискэй тиэхиньикэни ылла

Быйыл Үөһээ Бүлүү улуустааҕы киин балыыһата  саҥа мэдиссиинискэй тиэхиньикэни ылла. Тиэхиньикэни «Уһун уонна көхтөөх олох» национальнай бырайыак чэрчитинэн  атыыластыбыт, диэн СӨ Доруобуйа харыстабылын министиэристибэтэ иһитиннэрэр.

«Саҥа тиэхиньикэҕэ видеоэндоскоп, көтөҕүллэр УЗИ-аппарат уонна да атыттар киирэллэр. Саҥа оборудованиены тута үлэлэтэн эрэбит. Холобур, эргэрбит аппарааты солбуйбут саҥа кольпоскоп билигин дьахтар консультациятыгар күүскэ туттуллар. Саҥа видеоэндоскоп поликлиникаҕа туруорулунна. Көтөҕүллэр УЗИ-аппарааты балыыһаҕа эрэ буолбакка, нэһилиэнньэни бэрэбиэркэлии нэһилиэктэргэ тахсалларыгар илдьэ сылдьыахтара», — диэн министиэристибэҕэ бэлиэтээтилэр.

Быйыл балыыһаҕа «УАЗ» суһал көмө массыынатын биэрбиттэрин, Хомустаах амбулаториятыгар биэрбиттэрэ. Акушерскай салааҕа ИВЛ-аппараатын ылбыттар. 2024 сыллаахха бастакы мэдиссиинискэй көмөнү саҥардыы бырагырааматынан, улуустааҕы киин балыыһаҕа саҥа төрөөбүт оҕолорго флюорография, рентген аппаратурата, ИВЛ-аппарааттара кэлбиттэрэ.

Национальнай бырайыактар ​​көмөлөрүнэн улуустааҕы мэдиссиинискэй тэрилтэлэр кыахтара кэҥээн, ону кытта көмөлөрүн хаачыстыбата тупсан иһэр.