Үөһээ Бүлүүгэ бырабыыталыстыба отчуота сарсыҥҥыттан саҕаланыа

Бырабыыталыстыба министиэристибэлэрин уонна биэдэмистибэлэрин бэрэстэбиитэллэрэ ааспыт сыллааҕы үлэлэрин отчуоттуу Үөһээ Бүлүү улууһугар  кэллилэр. Ситэриилээх былаас отчуота сарсыҥҥыттан саҕаланыа. 

Бүгүн СӨ тырааныспарка уонна суол хаһаайыстыбатын миниистирэ Владимир Сивцев салайааччылаах бырабыыталыстыба бөлөҕө Үөһээ Бүлүү улууһун дьаһалтатын кытары көрүстэ. Бөлөх улуус дьаһалтатын кытары Үөһээ Бүлүүгэ үлэтин торумнаата. Сарсыҥҥыттан ситэриилээх былаас уорганын бэрэстэбиитэллэрэ үс бөлөххө арахсан нэһилиэктэринэн үлэлиэхтэрэ.

Бастакы бөлөх Маҥаас, Далыр, Мэйик, Кырыкый, Дүллүкү, Хомустаах, Кэнтик нэһилиэктэригэр үлэлиэ.
Иккис бөлөх Сургуулукка, Боотулууга, Оҥхойго, Харбалаахха, Тамалакааҥҥа, Ороһуга, Балаҕаннаахха үлэлиэхтэрэ.
Үһүс бөлөх Быракаан, Туобуйа, Өргүөт, Нам, Хоро нэһилиэктэригэр сылдьан, дьону кытары көрсүөҕэ.
Оробуочай бөлөхтөр хас нэһилиэк аайы отчуот кэнниттэн биирдиилээн дьону кытары көрсүөхтэрэ, тус ыйытыыларыгар хоруйдуохтара.

Онтон олунньу 17 күнүгэр нэһилиэктэри кытары көрсүһүү түмүгүн таһаарар отчуоту улуус киинигэр уонна Үөдүгэй нэһилиэгэр холбоон оҥоруохтара.