Хаартыска: РФ Үөрэҕириитин министиэристибэтин саайтыттан.
РФ Үөрэҕириитин министиэристибэтэ дойду үрдүнэн оскуолаларга төрөөбүт тыллары үөрэтиини (Арассыыйа норуоттарын тылларын) оннунан хаалларыаҕа. Ити туһунан миниистир Сергей Кравцов РИА Новости иһитиннэрбит.
Эрдэ Татарстан үөрэҕин уонна билимин министиэристибэтэ Арассыыйа Үөрэҕириитин министиэристибэтигэр 2025 сыл балаҕан ыйын 1 күнүттэн алын оскуолаҕа төрөөбүт тылы үөрэтии чааһын нэдиэлэҕэ икки чаастан биир чааска диэри көҕүрэтэр былааннанарын тохтоторго көрдөһөн сурук суруйбута.
“Төрөөбүт тыллар – бу култуура нэһилиэстибэтин суолталаах чааһа, ону үөрэтии тиийимтиэ буолуохтаах. Биһиги үөрэх хаамыытын иитинэн тыл (языковое многообразие) чөл хаалара уонна өйөнөрө ирдэнэрин бэлиэтиибит” – диэн Кравцов эппит.
Биэдэмэстибэҕэ эбэн эппиттэринэн, балаҕан ыйын 1 күнүттэн төрөөбүт тыллары үөрэтии чааһын ахсаана уларыйбат.
“Ону кытта 1 кылааска дьарыгы ыытыы көрүҥэ уларыйар – Роспотребнадзор ирдэбилинэн маҥнайгы кылаастарга ордук сөп түбэһэринэн 1 чаас уруогу таһынан көрүҥҥэ көһөр. Туһааннаах сүбэ (рекомендация) РФ субъектарыгар барбыта” – диэн РИА Новостига министиэристибэ эппит.
Министиэристибэҕэ бэлиэтээбиттэринэн, биэдэмэстибэ төрөөбүт тыллары (РФ норуоттарын тылларын) үөрэтиини өйүүр систиэмэни, үөрэх матырыйаалларын бэлэмнээһини уонна педагогтар идэлэрин таһымын үрдэтиини киллэрэн туран, салгыы сайыннарар былааннаах.
Бу туһунан РИА Новости суруйар.
Халаантан эмсэҕэлээбит Өймөкөөн улууһун олохтоохторугар Дьокуускайтан өссө эбии икки туонна гуманитарнай көмөнү ыыттылар. Таһаҕаһы Чурапчы…
Саха сиригэр сыл бастакы аҥаарыгар доруобуйа харыстабылын үс саҥа эбийиэгэ үлэҕэ киирдэ. Ол курдук Нерюнгри…
Киин куорат олохтоохторо Дьокуускайдааҕы килиэп кэмбинээтин килиэбэ кээмэйэ кыччаабытын бэлиэтээн, ЯСИА суруналыыстарыгар ыйытыы биэрдилэр. Кэмбинээт…
Ленскэйгэ массыыналар утарыта харсыспыттар. Эр киһи өлбүт. Саха сиринээҕи Госавтоинспекцията иһитиннэрэринэн, суол саахала атырдьах ыйын…
ФНС Саха сиринээҕи салалтата иһитиннэрэринэн, 2026 сыл тохсунньу 1 күнүттэн нолуок уорганыгар физическэй эбэтэр юридическэй…
Өскөтүн учаастак намыһах, бадарааннаах сир баар буоллаҕына, хайдах сокуон хараҕынан үрдэтэр туһунан Дьокуускайдааҕы судаарыстыбаннай экологическай…