Үөрэҕирии тиһигэр байыаннай дьайыы кыттыылаахтарын оҕолоругар көмө оҥоруу алгоритма оҥоһулунна

Саха сиригэр анал байыаннай дьайыыы кыттыылаахтарын оҕолоругар психолого-педагогическай көмөнү оҥорорго оскуола иннинээҕи үөрэхтээһин бары таһымын хабар алгоритма үлэҕэ киирдэ.

Брифиҥҥэ Психолого-педагогическай арыаллыыр өрөсрүүбүлүкэтээҕи методическай киин дириэктэрин солбуйааччы Татьяна Алешина иһитиннэрбитинэн, бу ньыма ураты болҕомтоҕо наадыйар оҕолорго уонна ыччаттарга ситимнээх өйөбүлү тэрийэргэ туһуланар.

Саха сиригэр байыаннай дьайыы кыттыылаахтарын 9139 оҕото үөрэнэр, итинтэн 2517 оҕо оскуола иннинээҕи үөрэх тэрилтэлэрин иитиллээччилэрэ, 5593 — оскуола үөрэнээччилэрэ, 1029 — устудьуоннар, ол иһигэр 394 үрдүк уонна 635 орто анал үөрэх тэрилтэлэригэр үөрэнэллэр. Ону таһынан 12 кыттааччы устудьуоннууллар уонна 52 — байыаннай сулууспалаахтар кэргэттэрэ.

Арыаллааһын алгоритма педагогтары, психологтары уонна социальнай сулууспалары кытта аадырыстаах көмөнү оҥорорго кыаҕы биэрэр.
«Биһиги сорукпут кыттааччы оҕотугар психологическай уратыларын, үөрэх уонна дьиэ кэргэнин балаһыанньатын учуоттаан анал маршруту оҥоруу», — диэтэ Татьяна Алешина.