Хаартыска: ааптар тиксэриитэ
Анаабыр оройуонун Үрүҥ Хайа бөһүөлэгэр баар “ХЭЙРО” этно-култуура киинин дьиэтигэр киирээт, бибилэтиэкэҕэ аастаххына, бибилэтиэкэ үлэһитэ Галина Гаврильевна Спиридонова үөрэ-көтө көрсүөҕэ.
Бибилэтиэкэ иһигэр олохтоох суруйар дьон кинигэлэриттэн саҕалаан, норуот суруйааччыларын, классиктар кинигэлэрин бэрт кичэллээхтик стеллажка уурбута харахха быраҕыллар. Галина Гаврильевна манна 2003 с. үлэҕэ киирэн, хайыы үйэ уопуттаах, дьон-сэргэ убаастыыр үлэһитэ. Уһуйаан, оскуола кэлэктиибин кытта ыкса сибээһи тутуһан, нэһилиэнньэҕэ араас хайысхалаах тэрээһиннэри, күрэхтэһиилэри, оонньуулары, көрсүһүүлэри ыытар.
Оскуола оҕолоро үксэ бибилэтиэкэттэн билии ылан, олохторугар туһалаах суолга үктэнэн, номнуо ийэ-аҕа буолан олороллор, Үөрэҕи бүтэрэн исписэлиис буолан, төрөөбүт дойдуларыгар үлэлии сылдьар ыччат элбэх, кинилэр үбүлүөйдэргэ, тэрээһиннэргэ Галина Гаврильевнаҕа махтал тылларын этэллэр. Кэнники бириэмэҕэ Куйаар ситимэ сайдан, оҕо да, улахан да дьон бибилэтиэкэҕэ сылдьара мөлтөөтө. Онтон тохтоон хаалбакка, араас ньымалары таба туттан, өссө интириэһинэй тэрээһиннэри, оонньуулары тэрийэн, дьон интириэһин тардаллар. Үлэтин таһынан Спиридонова нэһилиэнньэ уопсастыбаннай олоҕор актыыбынай кыттар. Быыбардарга сэкирэтээрдээн, бэрэссэдээтэллээн, түөлбэнэн үлэҕэ уонча сыл начаалынньыктаан кэллэ, ону тэҥэ бырааһынньыктар тэрээһиннэрэ, кинитэ суох ааспаттар.
Галина дьиэ кэргэнин туһунан кэпсээтэххэ, олоҕун доҕоро Иван Николаевич Спиридонов бэйэтин дьыалатын тэринэн, сыарҕа оҥоруутунан дьарыктанар, айылҕа киһитэ бултуурун, балыктыырын сөбүлүүр. Үс кыыстаахтар. Улахан кыыс Евдокия комтехсервискэ үлэлиир, күтүөт Рыбаков Александр Геннадиевич таксилыыр (ИП). Орто кыыс Акулина химия, биология учуутала, кэргэнэ Слепцов Гавриил Филиппович инженер үөрэхтээх, “Анаабыр алмаастарыгар” үлэлиир. Кыра кыыс Айыына 11 кылааска үөрэнэр. Галиналаах Иван сиэннэрдээхтэр.
СӨ култууратын туйгунугар, үлэ үөһүгэр сылдьар, аныгылыы тииптээх модульнай бибилэтиэкэ үлэһитигэр, кэрэ киһиэхэ Галина Гаврильевнаҕа үлэтигэр өссө ситиһиини, доруобуйаны баҕаран, бэйэтин, оҕолорун, чугас дьонун дьол-үөрүү арыаллыырыгар алгыспытын аныыбыт, баҕа санаабытын тиэрдэбит.
Галина БОРИСОВА-ТОЛБООНО
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…
Быйыл тохсунньу ыйтан ахсынньы 2 күнүгэр диэри Россельхознадзор Амур уобалаһыгар уонна Саха Өрөспүүбүлүкэтигэр управлениетын иниспиэктэрдэрэ…
Бу күннэргэ Волонтер күнүн бэлиэтээн аастыбыт. Онно элбэх волонтерскай хамсааһын үтүө санаалаах, амарах дууһалаах волонтердара…