Хаартыска: ааптар тиксэриитэ
Ыам ыйын 22 күнүгэр Н.Е. Мординов-Амма Аччыгыйын аатынан үөрэхтээһин холбоһуга күөх сайыны көрсө үөрэх дьылын түмүктүүр ыһыаҕы үрдүк таһымнаахтык тэрийэн ыытта.
Ыһыах алгыһын СӨ үөрэхтээһинин туйгуна, алгысчыт Варвара Алексеевна Парфенова көтөхтө.
Мантан салгыы ыһыах кыттыылаахтарын санааларынан ыһыах туһунан тиэрдиэм.
Үөрэхтээһин холбоһугун дириэктэрэ Любовь Аркадьевна Афанасьева:
-Олус да үчүгэй тэрээһин буолан ааста. Тэрийбит хамаандаҕа, кылаас салайааччыларыгар, учууталларга, бары кыттыбыт үөрэнээччилэргэ, чуолаан иилээн-саҕалаан үөрүүлээх чааһын ыыппыт оҕолорбутугар, төрөппүттэргэ, дьүүллүүр субэҕэ — баар бары дьоҥҥо истиҥ махтал. Кыhамньылаахтык бэлэмнэммит, кыайыылаах кылаастарга эҕэрдэ эриэккэhэ, көхтөөх кыттыылаахтарга ытыс дохсун тыаhа!
СӨ үтүөлээх учуутала Валентина Викторовна Блахирова:
-Дьэ, кырдьык, дьиҥнээх ыһыахха сырыттыбыт. Оҕолор ыһыахтарыгар сылдьыбатаҕым балайда буолбут. Бүгүн оҕолорго сахалыы тыын олох дьиҥнээхтик иҥмитин көрөн олус үөрдүм. Фольклор бары көрүҥүн баҕаран туран толороллоро, баһылаабыттара олус үчүгэй. Оһуохайдьыт элбэҕэ, истэргэ үчүгэйэ. Ыһыах бүтүөр диэри сахалыы таҥастарын олох устубакка, астына кэтэ сылдьаллара, түһүлгэбит оруобуна анаабыт курдуга, кылаас салайааччылара фантазиялара, хас биирдии куонкурус олус хатыһыылаахтык барбыта, успуорт күрэхтэригэр дьиҥнээхтик турунан туран кыттыы, оҕолор барытыгар үөрүүнэн кыттан иһэллэрэ — барыта наһаа үчүгэй! Оҕолорго үтүөҕэ, үчүгэйгэ тардыһыы тыына олохсуйбута, сахалыы өй-санаа сайдыыта — бу буоллаҕа тумүк, кыайыы. Кэлэктиипкэ, чуолаан, саха тылын учууталларыгар үлэҕит, кыһамньыгыт үтүө, үрдүк түмүктээх буолбутунан эҕэрдэ, махтал, таптал!”
Ирина Романовна Бястинова:
-Наһаа үчүгэй ыһыах буолла. Саха тылын учууталларыгар барҕа махтал! Эчи, кылаастар оһуохайдара үчүгэйин. Оҕолорбут үчүгэйгэ тардыһыылара күүһүрбүтэ олус үчүгэй. Оҕо ускуустубатын оскуолатын учууталларыгар Варвара Алексеевнаҕа, Айаал Никитичкэ улахан махтал. Үөрэхпит дьыла түмүктэннэ. Эһиил саҥа күүс ылынан, айымньылаах үлэҕэ турунуохпут.
Педагог-психолог Василиса Ивановна Дьяконова:
-Бары да астынныбыт, сылаанньыйдыбыт, манньыйдыбыт — чахчы дьиҥнээх ыһыах,тэрээһин. Алгыс баһа сыаланнынБарыларыгар махтал!
Бу тэрээһиммит үрдүк таһымнаахтык ааһарыгар төрөппүттэрбит, куруук буоларын курдук, күргүөмүнэн кэлэн өйөөбүттэрэ, көмөлөспүттэрэ сүрүн тирэх буолла. Онон, төрөппүттэрбитигэр барҕа махталбытын тиэрдэбит!
Валентина КРИВОШАПКИНА, Таатта, Харбалаах
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…