Хаартыска СӨ баһылыгын уонна Бырабыыталыстыбатын пресс-сулууспатыттан
2024 с. сэтинньи 1 күнүттэн булгуччулаах ирдэбиллэри кэһии көрдөрүүлэрин испииһэгэ кэҥээбитэ, онон Саха Өрөспүүбүлүкэтин Үөрэҕин уонна билимин министиэристибэтин хонтуруоллуур уонна кэтээн көрөр департамена (салгыы – Департамент) үөрэх эйгэтигэр бэрэбиэркэни ыытарыгар төрүөтүнэн буолуон сөп.
Ол туһунан уонна 2025 сылга соруктар туһунан Департамент тохсунньу 30 күнүгэр муниципальнай тэриллиилэр баһылыктарын кытта, үөрэх управлениеларын салайааччыларын уонна эппиэтинэстээх дьону кытта «Үөрэх эйгэтигэр судаарыстыбаннай хонтуруол (надзор) олохтоох салайыныы уорганнарын уонна үөрэх тэрилтэлэрин салайааччыларын көдьүүһүн хааччыйар тэрил быһыытынан» диэн ааттаах мунньаҕы ыытта. Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.
СӨ Үөрэҕин уонна наукатын миниистирин солбуйааччы Степан Степанов мунньаҕы аһар киирии тылыгар үөрэхтээһин эйгэтигэр судаарыстыбаннай хонтуруол (надзор) үрдүк таһымнаахтык хааччыйарын иһин Үөрэхтээһин уонна билим эйгэтигэр кэтээн көрүүгэ федеральнай сулууспата Ил Дархан Айсен Николаевка Махталын биллэрбитин санатта.
Ону тэҥэ Степан Степанов Үөрэхтээһин уонна наука эйгэтигэр кэтээн көрүүгэ федеральнай сулууспатын биэдэмэстибэннэй наҕараадатын Департамент салайааччытыгар Михаил Николаевич Колмаковка уонна үөрэх эйгэтигэр судаарыстыбаннай хонтуруол уонна кэтээн көрүү департаменын кылаабынай исписэлииһигэр Эльвира Николаевна Павловаҕа туттардылар.
Мунньах кыттыылаахтара 2025 сылга дьон олоҕор уонна доруобуйатыгар хоромньу тахсар куттала үөскүөн сөптөөх, быраабы кэһии туһунан иһитиннэриигэ олоҕуран үөрэх тэрилтэлэригэр сыһыаннаах былааннамматах бэрэбиэркэни ыытыы туһунан исписэлиистэртэн наадалаах иһитиннэриилэри ыллылар.
Ону тэҥэ, мунньахха үөрэх эбийиэктэрин лицензиялааһыны хааччыйыы туһунан Таатта улууһун улуустааҕы үөрэҕин бырабылыанньатын наачаалынньыга Иннокентий Дягилев, саҥа усулуобуйаҕа үөрэхтээһин эйгэтигэр хонтуролу олохтооһун туһунан Сунтаар улууһун үөрэҕин управлениетын салайааччытын солбуйааччы Альберт Иванов, муниципальнай тэриллиилэр таһымнарыгар хаачыстыбалаах үөрэхтээһини саалайыы сүрүн боппуроустарыгар, уопсай үөрэхтээһин хаачыстыбатын туһунан Департамент уопсастыбаннай сэбиэтин бэрэссэдээтэлэ, В.И.Малышкин аатынан Дьокуускай куорат 23-с №-дээх оскуолатын дириэктэрэ Георгий Афонскай тыл эттилэр.
Тыл этээччилэр олохтоох салайыныы уорганнара хаачыстыбалаах үөрэхтээһиҥҥэ оҕолор бырааптарын хааччыйыыга тутаах звенонан буолаллар диэн биир санааҕа кэллилэр.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ уоту кытта бохсооччуларын түмтэ.…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…