Салгыы
Үөрэх эйгэтигэр салайар үлэҕэ каадырдары бэлэмнээһиҥҥэ болҕомто күүһүрэр

Үөрэх эйгэтигэр салайар үлэҕэ каадырдары бэлэмнээһиҥҥэ болҕомто күүһүрэр

30.09.2022, 14:17
Бөлөххө киир:

Балаҕан ыйын 27 күнүгэр  СӨ наукаҕа,  профессиональнай үөрэхтээһиҥҥэ  уонна тус сыаллаах бэлэмнээһиҥҥэ судаарыстыбаннай бэлиитикэҕэ департаменын салайааччыта Иннокентий Оконешников профессиональнай үөрэхтээһиҥҥэ салайар каадырдар  резервэлэрин саҥа састаабын кытта көрүстэ.

Бу көрсүһүүгэ Бүлүү улууһугар бу саас ыытыллыбыт «Кадровый резерв. Колледж будущего” диэн  дьыалабыай оонньуу кыттыылаахтара  кытыннылар. Бэлиэтээн эттэххэ, Н.Г.Чернышевскай аатынан Бүлүүтээҕи педагогическэй кэллиэскэ ыытыллыбыт дьыалабыай оонньууга уопсайа 46 эдэр исписэлиис 15 араас үөрэх тэрилтэтиттэн кыттыбыта. Оонньуу түмүгүнэн сүүмэрдэммит тоҕус киһи бэйэлэрин идэлэригэр бэриниилээхтэрин, салайааччы быһыытынан үрдүк таһымнарын көрдөрөн СӨ үөрэҕин эйгэтин салайар каадырдарын резервэтигэр  киирбиттэрэ.

Профессиональнай үөрэхтээһини сайыннарар институт дириэктэрин солбуйааччы Александр Сатыров бэлиэтээбитинэн, хас саҥа састаапка киирбит исписэлиистэргэ хас биирдиилэригэр  Үөрэх министиэристибэтиттэн уонна  үөрэх тэрилтэлэриттэн  анал сүбэһиттэр  сыһыарыллан үлэлэһиэхтэрэ.

Тэрээһин бүтүүтэ исписэлиистэр  департамент салайааччыларыгар долгутар ыйытыыларын биэрдилэр.

Хаартыска https://irposakha14.ru/

Лента
Салгыы
31 января
  • -46°C
  • Ощущается: -46°Влажность: 65% Скорость ветра: 0 м/с

Сообщить об опечатке

Текст, который будет отправлен нашим редакторам: