Үөрэх эйгэтин үлэһиттэрэ байыастарга таҥас-сап тигиэхтэрэ

Горнай улууһугар үөрэх эйгэтин үлэһиттэрэ Арассыыйаҕа Аҕа дойдуну, Саха Өрөспүүбүлүкэтигэр Ийэ дойдуну көмүскээччилэр сылларынан, байыастарга таҥаһы-сабы тигэргэ үөрэтиинэн саҕалаатылар.

Улууска байыастары өйүүргэ анаммыт волонтердар үлэлэрэ көдьүүстээхтик салҕанар. Бэрдьигэстээххэ улуустааҕы үөрэх управлениетын ыҥырыытынан, «Илии сылааһа» хамсааһын кэлэн байыастарга анаан таҥас-сап тигэргэ маастар-кылаас ыытта. Бу тэрээһиҥҥэ үөрэх эйгэтин үлэһиттэрэ, уопсайа сүүрбэттэн тахса киһи кыттыыны ылла. Үлэ уруогун учууталлара, эбии үөрэхтээһин педагогтара, уһуйааннар үлэһиттэрэ көхтөөх кыттыыны ыллылар. Кинилэр байыастарга таҥаһы тигиэхтэрэ диэн улуус дьаһалтатын саайтыгар суруллар.

Хаартыска:  улуус дьаһалтатыттан