Хаартыска: СИА
Ил Дархан Айсен Николаев үөрэх үлэһиттэрин тохсунньутааҕы сүбэ мунньаҕар этиллибит сүҥкэн суолталаах боппуруоһунан тус үөрэхтээһини тэрийиини ааттаата. Кини санаатынан, үөрэнээччилэр сөптөөх быһаарыыны оҥороллоруттан инникилэрэ эрэ буолбакка, өрөспүүбүлүкэ кэскилэ тутулуктанар. Бу туһунан кини «Якутия, вперед» эпиир кэмигэр иһитиннэрдэ.
«Миигин өрөспүүбүлүкэ үгүс олохтоохторун курдук кэлиҥҥи сылларга оҕолор БКЭ-ҕэ математиканы, физиканы, химияны — тус биридимиэттэри туттаралларын ахсаана аҕыйыыра дьиксиннэрэр. Бу инникитин инженернэй идэлэргэ улахан кыһалҕалары үөскэтиэхтэрин сөп. Оҕолор информатиканы туттараллара намтыыр. Дьиҥэр, биһиги кэнники сылларга Арассыыйа тас өттүгэр IT-технологияларынан күүскэ сайдан иһэр эрэгийиэн быһыытынан биллэбит», — диэн Айсен Николаев бэлиэтээтэ.
Кини үөскээбит балаһыанньаны түргэнник тосту уларытыахха наада диэн болҕомтотун уурда. Преподавателлэри өйүүр наадалаах, оттон хас биирдии үнүстүүт уонна үрдүк үөрэх кыһата шефтэһэр кылаастардаах буолуохтаах.
«Билигин өрөспүүбүлүкэҕэ 26 анал кылаастар бааллар — АЛРОСА, «Роснефть», «Саханефтегазсбыт». Ол эрээри, ити эмиэ ситэтэ суох дии саныыбын. Кинилэр ахсааннара биллэрдик элбэх буолуохтаах. Маннык соруктар туруорулуннулар, үөрэх хаачыстыбата өссө эбии тупсарыгар барытын оҥоруохпут», — диэн бэлиэтээтэ Ил Дархан.
«Якутия, вперед!» биэриигэ Айсен Николаев тохсунньу ый түмүктэрин таһаарда уонна Бырабыыталыстыба отчуоттарын сирэй көрсөн тоҕо…
“Якутия, вперед!” биэриигэ тохсунньу түмүктэрин таһаарар быһа эпииргэ Ил Дархан “Сулустаах” түөлбэҕэ сыл саҕаланаатын кытта…
“СӨ судаарыстыбаннай ыччат бэлиитикэтин туһунан” сокуон 1998 сыллаахха ылыныллыбыта. Ол гынан баран, бу сокуоҥҥа “патриотическай…
Мииринэй улууһугар полицейскайдар биэнсийэлээх дьахтартан баан каартатыттан харчы уоруутун дьыалатын арыйдылар. Харчыны уорбут уорбаланааччынан дьахтар…
Олунньу 1 күнүттэн үлэтэ суохтарга босуобуйа кээмэйэ 9,5%-нан эбиллэн, муҥутуур кээмэйэ 15 тыһ. солк. тахса…
Тохсунньу 29 күнүгэр Үөһээ Бүлүүгэ Оҕо ускуустубатын оскуолатын дьиэтигэр Үөдүгэй нэһилиэгин олохтоохторо улуу нуучча суруйааччыта…