Хаартыска: Үөрэх уонна билим министиэристибэтэ.
Үөрэх уонна билим министиэристибэтэ “Үөрэх ис хоһоонун уонна ньымаларын института” билим федеральнай судаарыстыбаннай тэрилтэни кытта олунньу 4 күнүгэр төрөөбүт тыл, литэрэтиирэ үөрэҕин кинигэтин эспэртиисэтин боппуруостарыгар аналлаах суолталаах сэминээри тэрийэн ыыттылар.
Тэрээһин сүрүн спикеринэн “Үөрэх ис хоһоонун уонна ньымаларын института” билим федеральнай судаарыстыбаннай тэрилтэ үөрэх-мэтиэдикэ матырыйаалларыгар уонна сыыппараҕа эспэртиисэтин киинин сэбиэдиссэйэ Шакиров Филипп Ринатович буолла. Кини тыл этэригэр үөрэх кинигэлэрин сыаналыырга учуоттанар ирдэбили, ону тэҥэ, төрөөбүт тылы, литэрэтиирэни үөрэтэргэ ирдэнэр матырыйаал үрдүк хаачыстыбатын хааччыйыы суолтатын сиһилии кэпсээтэ.
Сэминээргэ саха тылын учууталлара, үөрэх кинигэтин ааптардара, Үөрэх уонна билим министиэристибэтин, СӨ Билим академиятын төрөөбүт тыллары үөрэтэр, сайыннарар киинин, Үөрэҕи сайыннарар уонна идэ таһымын үрдэтэр институт үлэһиттэрэ, бэчээт кыһатын бэрэстэбиитэллэрэ, кинигэ тахсыытыгар бырааптаах дьон кытыннылар. Уһук Илин уонна Сибиир федеральнай уокуруктарын эрэгийиэннэрэ видео сибээһинэн холбоннулар.
Бу уопсай соругу – үөрэх матырыйаалларын хаачыстыбатын үрдэтиигэ уонна ол аныгы ирдэбилгэ сөп түбэһиитин ситиһэр туһугар үөрэх бары кыттааччыларын үлэлэрэ суолталааҕын бэлиэтиир.
Сэминээргэ кинигэлэри эспэртиисэлээһин теоритическай өттүн эрэ буолбакка, атын эрэгийиэннэр уопуттарыгар салайтаран быраактыкаҕа холобурдары эмиэ көхтөөхтүк ырытыстылар. Санааларын хото атастаһан, кыттааччылар үөрэх кинигэтин оҥорууга уонна сыаналааһыҥҥа көрсөр сүрүн кыһалҕалары буллулар. Бу туһунан Үөрэх уонна билим министиэристибэтин телеграм ханаалыгар суруйаллар.
ИДьМ Дьокуускайдааҕы салаатын полиция 1-кы нүөмэрдээх отделыгар куорат олохтооҕо чааһынай дьиэтиттэн 66 тыһ. солк. суумалаах…
Инбэлииттэргэ уонна инбэлиит оҕолоох дьиэ кэргэттэргэ араас өрүттээх көмө оҥоһуллар. СӨ Үлэҕэ уонна социальнай сайдыыга …
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…