Үөрэх кыһаларыгар куттал суох буолуутун уруоктара саҕаланнылар

Балаҕан ыйын устата үөрэх кыһаларыгар үгэс буолбут “Месячник безопасности” буолуоҕа.

Балаҕан ыйын 2 күнүттэн үөрэх дьыла саҕаланна. Сайыҥҥы уһун сынньалаҥ кэнниттэн куттал суох буолуутун быраабылатын тутуһуу туһунан РФ ЫБММ эрэгийиэннээҕи бырабылыанньатын үлэһиттэрэ бары оскуолаларга аһаҕас уруоктары ыыттылар, диэн Саха сиринээҕи ЫБММ пресс-сулууспата суруйар.

Ол курдук баһаарынайдар, ГПН, ГИМС үлэһиттэрэ оҕолорго бэйэлэрин идэлэрин туһунан кэпсээтилэр, ыксаллаах быһыыга-майгыга хайдах-тугу гыныахха сөбүн быһаардылар.  Ордук уоттан уонна ууттан сэрэхтээх буолууга болҕомтолорун уурдулар. Оҕолор умайа турар дьиэттэн хайдах тахсыахха сөбүн, дьиэҕэ да, оскуолаҕа да электроприбордары хайдах туһанары биллилэр, экстреннай сулууспалар нүөмэрдэрин хатылаатыгар.

Маны таһынан баһаарынайдар бэйэлэрин бойобуой таҥастарын кэтэн, уоту тугунан умуруоралларын, огнетушителынан хайдах туттары көрдөрдүлэр.