Үөрэх миниистирэ Горнай улууһугар үөрэх кыһаларын тутуутун уонна өрөмүөнүн билистэ

Бу күннэргэ Горнай улууһугар СӨ Үөрэҕин уонна наукатын миниистирэ Ньургууна Соколова оробуочай командировкаҕа сырытта.

Миниистир улуус салататын кытары Бэрдьигэстээх, Бэс Күөлүн уонна Дьиикимдэ нэһилиэктэригэр сылдьан, үөрэх эбийиэктэрин көрдүлэр, үөрэттилэр.

Ол курдук, Бэс Күөлгэ В.Д. Лонгинов аатынан 150 миэстэлээх оскуола тутуутун, Кировскай нэһилиэгэр Харыйа учаастагар баар олохтоох оскуола иһинэн үлэлиир «Сокол» байыаннай-патриотический лааҕыры, Бэрдьигэстээххэ “Айтыын” сыыппара технологиятын кэллиэһин филиалын  дьиэтин өрөмүөннээһини, Дьиикимдэтээҕи «Колокольчик» уһуйааны, «Хас биирдии оҕо ситиһиитэ» национальнай бырайыак чэрчитинэн аактабай сааланы успуорт саалатыгар уларытан тутуу хаамыытын кытта билистилэр.