Үөрэх миниистирэ «Тэтим» Саха араадьыйатын быһа эпииригэр тахсыаҕа

Бүгүн, ыам ыйын, 3 күнүгэр СӨ үөрэх уонна наука миниистирэ Нюргуна Соколова FM 107,1 «Тэтим» Саха араадьыйатыгар кыттыыныы  ылыаҕа. 

 Миниистр Ил Дархан Айсен Николаев «СӨ үөрэхтээһин кэлим тиһигин сайдыыта» ыйааҕа олоххо киириитин туһунан сырдатыаҕа. «Үөрэхтээһин» национальнай бырайыакка, үөрэх хаачыстыбатыгар, педагогическай кадрдарга, быйылгы үөрэх дьылын түмүктүүргэ, судаарыстыбаннай эксээмэннэргэ туһуламмыт кэккэ ыйытыыларга хоруйдуоҕа. Маны таһынан, араадьыйа эпииригэр «Үөрэхтээһин сайдыыта» бырайыак чэрчитинэн «Үөрэхтээһин тиһигин саҥардыы» федеральнай бырагырааманы олоххо киллэрии, эбии үөрэхтээһин уонна  «Азия оҕолоро» VIII Норуоттар икки ардыларынааҕы спортивнай   оонньуулар тустарынан кэпсэтии буолуоҕа. 

Кэпсэтиигэ кыттыһыан баҕалаах дьон 8 (4112) 32-00-66  уонна 32-11-66 нүөмэрдэргэ эрийэн билсиэхтэрин сөп.