Андрей Сорокин хаартыскаҕа түһэриитэ, ЯСИА
СӨ Ил Дархана Айсен Николаев СӨ Судаарыстыбаннай Мунньаҕар (Ил Түмэҥҥэ) туһаайан этиитигэр СӨ үөрэҕин уонна билимин министиэристибэтигэр эрэгийиэҥҥэ каадырдары бэлэмнээһиҥҥэ индустриальнай партнердары кытта хардарыта сибээстээх үлэни күүһүрдэргэ сорудахтаата.
Кини идэлээх каадырдары бэлэмнээһин социальнай-экэнэмиичэскэй сайдыы биир тутаах соругунан буоларын бэлиэтээтэ.
—Үөрэхтээһин биир кэлим тиһигин сайыннарыы туһунан ыйаахха кэҥээн, улаатан иһэр экэниэмикэҕэ идэтийбит каадырдары бэлэмнээһин соруктара быһаарыллаллар. Бу өрөспүүбүлүкэ сайдыытын туруктаах буолуутугар уонна куоталаһар кыахтанарыгар улахан суолталаах, — диэн бэлиэтиир эрэгийиэн баһылыга.
Бүгүн Саха сирин оскуолаларын 70 бырыһыана профильнай кылаастардаах, ол иһигэр политэхиньиичэскэй хайысхалаахтар бааллар. Онтон кэккэ үөрэх тэрилтэлэригэр выпускниктар аттестаты кытта тэҥҥэ оробуочай идэҕэ үөрэммиттэрин туһунан сибидиэтэлистибэлэри ылаллар.
—Маннык ньыма түмүгү биэрэрин көрөбүт. Оҕолор өссө оскуолаҕа үөрэнэ сылдьан бастакы идэтийбит үөрүйэхтэрин ылаллар, үлэ ырыынагын өйдүүллэр уонна инникеи суолларын таларга толкуйдаах, көрүүлээх буолаллар. Бу быраактыканы улаханнык кэҥэтэн, оскуола үөрэнээччилэригэр өссө туһалаах оҥоруохха наада, — диэн этэр Айсен Николаев.
Улуустарга кэллиэстэр филиаллара аһыллаллар, онтон бырамыысыланнай хампаанньа кыттыылаах 40-тан тахса аныгы үөрэтэр-производственнай мастарыскыайдар тэриллибиттэрэ. Эрэгийиэн баһылыга бэлиэтээбитинэн, маны тэҥэ, орто звеноҕа квалификациялаах каадырга наадыйыы эбиллэр.
—Дьарыктаах буолуу органнарын дааннайдарынан, өрөспүүбүлүкэҕэ аҥардас сылга 43 тыһ. вакансия бэлиэтэнэр, 60 бырыһыанын кэриҥэ итинтэн оробуочай идэҕэ. Экэниэмикэ ити ирдэбилин биһиги профтех үөрэхтээһин тиһигин сайыннарыыны былааннааһыҥҥа учуоттууур эбээһинэстээхпит», — диир Ил Дархан.
Сиһилии: https://www.sakha.gov.ru/news/17719
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, ЯСИА
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…