Хаартыска: SakhaGov
Саха сиригэр бүгүҥҥү күҥҥэ үөрэх тэрилтэлэригэр байыаннай дьайыы 70-тан тахса кыттыылааҕа, ол иһигэр педагогтар уонна педагогическай дьоҕурдаах исписэлиистэр үлэлииллэр. Бу туһунан эрэгийиэн үөрэҕин уонна наукатын миниистирин солбуйааччыта Степан Степанов үгэс буолбут брифинг кэмигэр иһитиннэрдэ.
Миниистири солбуйааччы бэлиэтээбитинэн, кинилэр истэригэр 32 киһи педагогическай дьоҕурдаах уонна тириэньэрдэринэн, физкултуура учууталларынан, ону тэҥэ «Аҕа дойдуну көмүскээһин уонна олох куттала суох буолуутун төрүттэрэ» диэн биридимиэккэ преподавателинэн үлэлииллэр.
Бу үлэни дьүөрэлиир сыалтан өрөспүүбүлүкэҕэ Үөрэх тиһигин байыаннай дьайыы кыттыылаахтарын — байыаннай дьайыылар бэтэрээннэрин Сэбиэтэ тэриллиэҕэ. Бу быһаарыы тохсунньу 21-23 күннэригэр ыытыллыбыт өрөспүүбүлүкэ үөрэҕин тиһигин үлэһиттэрин Тохсунньутааҕы сүбэ мунньаҕын чэрчитинэн ырытыы түмүгүнэн ылыллыбыта.
«Ырытыы түмүгүнэн Саха Өрөспүүбүлүкэтин үөрэх тиһигин байыаннай дьайыы кыттыылаахтарын — байыаннай дьайыылар бэтэрээннэрин Сэбиэтэ тэриллэрин туһунан быһаарыы ылылынна. Чугас кэмҥэ кэлэр сылга аналлаах тэрээһиннэр чуолкай былааннара оҥоһуллуоҕа. Бастакы хардыылартан биирдэстэринэн сэбиэт чилиэннэрэ Аҕа дойду көмүскээччитин күнүгэр аналлаах үөрүүлээх линейкаларга кыттыылара буолуоҕа», — диэн Степанов кэпсээтэ.
Атын тэрээһиннэр чэрчитинэн, өрөспүүбүлүкэ үөрэҕин тэрилтэлэригэр үлэлии сылдьарбайыаннай дьайыы кыттыылаахтарын кытта төгүрүк остуол ыытылынна. Ырытыы биир эрэ тэрээһининэн муҥурдаммата — кыттааччыларга билиһиннэрэр уонна экскурсиялыыр сырыылардаах киэҥ бырагыраама тэрилиннэ.
Үлэҕэ хойутааһын эбэтэр кэлбэт буолуу, кутталлаах быһыы-майгы (силлиэ, буурҕа, хаар хаайыыта) туһунан ЫБММ, метеорологтар эбэтэр…
Олунньу – тас көрүҥҥүн эрэ буолбакка, үп-харчы туруккун тупсарарга үтүө кэм. Астрология өттүнэн сөптөөх күҥҥэ…
Дьокуускайга СӨ Үлэҕэ уонна социальнай сайдыыга министиэристибэтин Өрөспүүбүлүкэтээҕи сэминээр-сүбэ мунньаҕа саҕаланна. Тэрээһиҥҥэ социальнай үлэһиттэр кыттыыны…
2026 сыл кулун тутар 1 күнүттэн Арассыыйа олохтоохторо суоппар быраабыгар тэйиччиттэн олорон үөрэнэр кыахтаннылар. Автооскуолаларга …
Хатас сэлиэнньэтигэр мас-рестлиҥҥэ «Көмүс мас» Дьокуускай куорат аһаҕас чөмпүйэнээтэ түмүктэннэ. Онно 23 хамаандаттан 160-тан тахса…
Тохсунньу 27 күнүгэр Ленинграды блокадаттан толору босхолооһун күнэ бэлиэтэнэр. Ленинград блокадатын сиэртибэлэрин кэриэстээн, бу күн…