Үөрэх тэрилтэлэригэр киинэ саалалара аһыллыахтара

Дьокуускай куорат 24-с нүөмэрдээх оскуолатыгар “Оскуола киинэ саалата” саҥа пилотнай бырайыакка аналлаах “төгүрүк остуол” буолан ааста.

“Оскуола киинэ саалата” пилотнай бырайыак иитинэн, 2025-2026 үөрэх дьылыгар үөрэх уонна иитии эйгэтигэр бэйэ дойдутун көрдөрөр, иһитиннэрэр матырыйаалларын ситимнээхтик туһаныыга аан маҥнай холонуу буолар. Бырайыакка өрөспүүбүлүкэ араас улуустарынан 4828 оҕону хабыахтара:

1. Дьааҥы улууһа – Баатаҕай орто оскуолата
2. Анаабыр улууһа – Сааскылаах орто оскуолата
3. Дьокуускай куораттааҕы уокурук – М.Е.Николаев аатынан 40-с нүөмэрдээх орто оскуолата
4. Алдан улууһа – Алдан куорат 2-с нүөмэрдээх орто оскуолата
5. Дьокуускай куораттааҕы уокурук – И.И.Фадеев аатынан үп-экэниэмикэ кэллиэһэ
6. Мэҥэ Хаҥалас улууһа – Р.И.Брызгалов аатынан тырааныспар тиэхиньикума
7. Чурапчы улууһа – Т.М.Каженкин аатынан Арыылаах орто оскуолата
8. Өлүөхүмэ улууһа – Амма-Өлүөхүмэ орто оскуолата
9. Хаҥалас улууһа – “Хаҥалас” эбии үөрэхтээһин киинэ
10. Уус Маайа – Оскуоланы таһынан үлэ киинэ.

Бу туһунан Үөрэх уонна билим министиэристибэтин саайтыгар суруйаллар. Сиһилии манна ааҕыҥ.