СӨ Наукаларын академиятын пресс-сулууспата
Соторутааҕыта Саха сирин Наукаларын академиятыгар “СӨ сылгыны үөрдээн иитиини сайыннарыы кэскилэ” стратегическай сиэссийэ ыытыллыбыта. Онно “Саха сылгытын Саха Өрөспүүбүлүкэтин социальнай-экэнэмиичэскэй сайдыытыгар оруола” диэн тимэни киэҥник дьүүллэһии буолбута.
Учуонайдар, сылгыһыттар, тыа хаһаайыстыбатын исписэлиистэрэ кыттыылаах дьүүллэһии кэмигэр этиллибитинэн, өрөспүүбүлүкэ бары муниципальнай оройуоннарыгар сылгыны үөрдээн иитиинэн 1800 сылгыһыт дьарыктанар. 2017 сылтан 277 сылгы саҥа базата эрэгийиэн 16 муниципальнай оройуонугар тутуллубут. Судаарыстыба өттүттэн сылгыны иитиини өйөөһүн ыытыллар. Ол да буоллар, сиэссийэ кыттыылаахтара баар кыһалҕалары эмиэ таарыйбыттара. Ол курдук, сылгыны астааһыҥҥа үрдүк технологиялах механизациялаах комплекстары тэрийии ирдэнэр. Маны сэргэ бородууксуйаны батарыыга болҕомто ууруллуохтаах. Билиҥҥи туругунан, сылгыны астааһын кэннэ, тириитэ уонна туйаҕа туһаҕа тахсыбакка хаалар түбэлтэтэ үгүс.
2022 сылга сылгы этин атыылаһыыга биир киилэ эт сыаната – 60 солк. быһыллыбыт субсидия көрүллүбүт. Билигин эт сыахтарыгар убаһа этин атыылаһыы сыаната 370 солк. тэҥнэһэр, онно эбии 60 солк. кээмэйдээх субсидия эбиллэр. Тыа хаһаайыстыбатын табаарын оҥорооччулара эттэрин олох чэпчэки сыананан туттарарга күһэллэллэр эбэтэр бэйэлэрэ ырыынакка батараллар.
Бу кыһалҕалары оҥорон таһаарыыны сэргэ астааһынынан-үөллээһининэн уонна батарыынан дьарыктанар кыахтаах кэпэрэтииби эбэтэр аахсыйалаах уопсастыбаны тэрийэр буоллар, быһаарыллыа этэ. Биир биэни көрүүгэ-истиигэ 5 тыһ. солк. судаарыстыба өйөбүлэ көрүллэр. Ортотунан ыллахха, биир хаһаайыстыбаҕа 50-100 биэлээх, оччоҕуна 100 төбө иһин пиэрмэр баара-суоҕа 500 тыһыынча солкуобайы сылга биирдэ ылар.
Манна даҕатан эттэххэ, үгүс хаһаайыстыбалар сыл аайы араас биричиинэлэринэн сылгыларыттан ытыс соттоллор, холобура, халаан уутуттан, адьырҕа кыыллар тардыыларыттан, ону тэҥэ мэччирэҥ мөлтөҕүттэн. Ол иһин кэнники сылларга тымныы ыйдарга сылгыларын отунан уонна эбиэһинэн эбии аһатарга күһэллэллэр. Онон эбии аһылыгы атыылаһыыга субсидия көрүллэригэр баҕараллар.
Ону тэҥэ үүнэр көлүөнэ чэгиэн доруобуйалаах буоларын туһугар үөрэх тэрилтэлэригэр олохтоох бородуукталары үөрэнээччилэр аһылыктарын тэрйииигэ атыылаһалларыгар көҥүллүөххэ диэн чопчу этии киирдэ.
СӨ Наукаларын академиятын пресс-сулууспата
Хаартыска: тустаах пресс-сулууспаттан
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.